U Słucku nie ŭdałosia pradać na elektronnym aŭkcyjonie budynak byłoj płatnaj hramadskaj prybiralni. Za abjekt prasili amal 30 tysiač rubloŭ, adnak tarhi nie adbylisia, bo na ich nie zarehistravaŭsia nivodny ŭdzielnik, piša «Smartpres».
Na prodaž vystaŭlaŭsia adnapaviarchovy cahlany budynak z prybudovaj, raźmieščany na vulicy Manachava, 2A. Jaho pabudavali ŭ 1998 hodzie, a ahulnaja płošča składaje 23,1 kvadratnaha mietra. Razam z budynkam kupiec atrymaŭ by prava arendy ziamielnaha ŭčastka płoščaj 0,0145 hiektara na 20 hadoŭ.
Pačatkovy košt łota składaŭ 29 801 rubiel 77 kapiejek. Z hetaj sumy kala 29 tysiač rubloŭ prypadała na sam budynak, jašče 781 rubiel 77 kapiejek — na prava arendy ziamli. Dla ŭdziełu ŭ tarhach nieabchodna było ŭnieści zadatak u pamiery 5960 rubloŭ, a minimalny krok pavyšeńnia cany składaŭ 1490 rubloŭ 9 kapiejek.
Pavodle ŭmoŭ aŭkcyjonu, novy ŭłaśnik moh vykarystoŭvać budynak nie tolki jak hramadskuju prybiralniu. Na hetym miescy taksama dazvalałasia adkryć abjekt hramadskaha charčavańnia abo handlovy punkt. Akramia taho, pry nieabchodnaści budynak možna było rekanstrujavać abo źnieści i ŭźvieści novy, ale pry vykanańni ŭsich praduhledžanych patrabavańniaŭ i ŭstanoŭlenych terminaŭ.
Pakolki achvotnych nabyć hety abjekt nie znajšłosia, elektronnyja tarhi byli pryznanyja takimi, što nie adbylisia.
Siadzibu «Małyja Dolcy» na Ušaččynie znoŭ vystavili na aŭkcyjon. Tolki paŭhoda tamu jaje nibyta nabyŭ rasijanin
Stała viadoma, u što pieratvorycca zakinutaja hramadskaja prybiralnia na bierazie Śvisłačy ŭ centry Minska
Pasažyrski vahon vystavili na prodaž u Minsku
Na aŭkcyjon vystavili majomaść Minskaha padšypnikavaha zavoda
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary