Stała viadoma, u što pieratvorycca zakinutaja hramadskaja prybiralnia na bierazie Śvisłačy ŭ centry Minska
U administracyi Leninskaha rajona dniami startuje hramadskaje abmierkavańnie cikavaha prajekta. Havorka idzie pra rekanstrukcyju hramadskaj prybiralni na nabiarežnaj Śvisłačy, jakaja daŭno pustuje. Kaliści budynak chacieli pieratvaryć u rybny restaran, ale žychary vystupili rezka suprać. Hetym ža razam tut chočuć adkryć punkt prakatu spartyŭnaha ryštunku, piša Realt.by.
Niadziejnaja hramadskaja prybiralnia znachodzicca na vulicy Čyrvonaarmiejskaj, 34B. Miesca tut šykoŭnaje. Pobač — park imia 40‑hodździa Vialikaha Kastryčnika, hatel «Piekin», hałoŭnaja haradskaja vieładarožka i nabiarežnaja raki Śvisłač.
Pusty zialony budynak płoščaj 45 kvadrataŭ nieadnarazova vystaŭlali na tarhi i sprabavali intehravać u haradskoje asiarodździe. Jašče ŭ 2010‑ch tut źbiralisia adkryć restaran Porto del Mare. Rajonnaja administracyja była nie suprać, adnak prajekt zabłakavali žychary susiednich damoŭ, jakija bajalisia maštabnaha vysiakańnia dreŭ. Paźniej u budynku chacieli arhanizavać kaviarniu, ale i ź joj nie atrymałasia.
Letaś byłaja prybiralnia narešcie znajšła novaha inviestara. Budynak pradali z aŭkcyjonu za 91 tysiaču rubloŭ.
Novy ŭłaśnik płanuje rekanstrujavać zakinuty budynak pad punkt prakatu invientaru: rovaraŭ, łyžaroleraŭ, rolikavych kańkoŭ i inšaha spartyŭnaha ryštunku. Pry hetym funkcyi hramadskaj prybiralni tut taksama zachavajucca. Stary budynak hruntoŭna pierabudujuć, zachavaŭšy častku cahlanych ścien i butavaj muroŭki.
U vyniku ŭsich pieraŭtvareńniaŭ płošča kompleksu vyraście z 45 da 102 kvadrataŭ. Punkt prakatu atrymaje schiłavy dach i efiektnaje vitražnaje škleńnie.
Aznajomicca z prajektam možna na aficyjnym sajcie administracyi Leninskaha rajona. Hramadskaje abmierkavańnie budzie prachodzić z 29 lipienia pa 12 žniŭnia. Zaŭvahi i prapanovy z paznakaj «hramadskaje abmierkavańnie» prymajuć tolki ŭ hety termin pa adrasie: 220006, Minsk, vuł. Majakoŭskaha, 83 (abo pa elektronnaj pošcie: [email protected]). Vyniki hramadskaha abmierkavańnia padviaduć na pasiadžeńni architekturna-horadabudaŭničaj Rady pry hałoŭnym architektaru horada Minska.
U Minsku chutka adkryjecca 30‑ty restaran Mak.by. U hetym rajonie jaho jašče nie było
Na płoščy Jakuba Kołasa ŭ Minsku pradajecca kvatera z prastornym adkrytym bałkonam i vidam na horad
Jak ciapier vyhladaje apuściełaja minskaja «Piasočnica» FOTY
Jak z chaty zrabić barnchaŭs? Voś jaki varyjant jość kala Minska
Ciapier čytajuć
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda3
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary