Statkievič: Kali Biełaruś voźmie ŭdzieł u ahresii suprać NATO ci stanie tyłam dla takich dziejańniaŭ, to ŭdar NATO pa Biełarusi budzie niepaźbiežnym
Mikoła Statkievič paraŭnaŭ padtrymku Łukašenki Kramlom z chanskim jarłykom na kniažańnie. Za zachavańnie ŭłady Łukašenka płacić usio bolšuju canu, i heta moža nadta doraha abyścisia biełarusam, piša palityk.
Była ŭ manhołaŭ takaja tradycyja: pretendenty na kniaskija pasady ŭ zaležnych ad ich ziemlach pavinny byli atrymać dazvoł na kniažańnie, adna z nazvaŭ jakoha — «jarłyk». Kab atrymać «jarłyk», treba było nie tolki prapaŭźci na žyvacie dziasiatki mietraŭ u chanskuju jurtu, ale i pahadzicca na peŭnyja sastupki i pasłuhi chanu Ardy. Materyjalnyja ci palityčnyja.
Viadoma, što najbolšy plon ad tych poŭzańniaŭ, sastupak dy pasłuh zajmieli maskoŭskija kniazi. Tamu hetaja tradycyja nastolki ŭkaraniłasia ŭ Maskvie, što spadkajemcy tych kniazioŭ užo sami dajuć svaim satelitam dazvoł na kiravańnie pavodle taho ž pryncypu — paśla samaprynižeńnia i sastupak.
U najnoŭšaj biełaruskaj historyi pracedura atrymańnia «jarłyka» adbyvałasia ledź nie pierad kožnymi prezidenckimi «vybarami». Schiema zaŭsiody adnolkavaja. Napiaredadni «vybaraŭ» Kreml demanstruje pachaładańnie ŭ staŭleńni da hałoŭnaha kandydata i navat imknieńnie padtrymać alternatyvu jamu. Siarod tutejšych «siłavikoŭ» pačynajucca chistańni — jany vydatna razumiejuć, na čym staić usia sistema. Jak kazaŭ mnie adzin ź ich: «Pakul z nami Maskva, a ŭ jaje jość nafta, my možam spać spakojna». A tut nibyta ŭžo «nie z nami». Pačynajucca sumnieńni.
Ale napiaredadni «vybaraŭ» hałoŭny kandydat jedzie ŭ Maskvu. Nie viedaju, jak tam nakont poŭzańnia, bo ŭsio adbyvajecca zakryta ad presy i publiki, ale ŭrešcie baki padpisvajuć damovu z čarhovymi sastupkami i demanstrujuć «sajuznyja» adnosiny. «Siłaviki» supakojvajucca i zabiaśpiečvajuć zvyčajny vynik «vybaraŭ».
Tolki z kožnymi novymi «vybarami» sastupki suvierenitetu ŭsio bolšyja.
Paśla 2020 hoda była sastuplena naša terytoryja dla napadu na Ukrainu. Ciapier Maskva, pavodle infarmacyi zachodnich raźviedak, rychtujecca da siłavych dziejańniaŭ suprać susiednich krain NATO. Biez vykarystańnia našaj terytoryi takaja sprava naŭrad ci abydziecca.
Kali ž Biełaruś voźmie ŭdzieł u ahresiŭnych dziejańniach suprać NATO ci stanie tyłam dla takich dziejańniaŭ, to ŭdar sił NATO pa našaj terytoryi budzie niepaźbiežnym. Niezaležna ad taho, kazaŭ pra heta publična ci nie kazaŭ jaki-niebudź nataŭski hienierał.
Padobna, što košt «jarłyka» šalona padniaŭsia. Ale ŭrešcie jon moža abyścisia vielmi doraha najpierš biełarusam, a taksama ŭsim susiednim z nami narodam.
Tolki volnaja, biaźjadziernaja dy niejtralnaja Biełaruś moža praduchilić kanflikt u Jeŭropie, a značyć, i va ŭsim śviecie.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ43
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary
-
Vajna budzie hibrydnaj, paśla taho jak RF abłamałasia ab Ukrainu sa svaim pramym uzbrojenym uvarvańniem, dakładniej jana ŭžo idzie. Buduć dyviersii, nieviadomyja ludzi sa zbrojaj biez apaznavalnych znakaŭ. Bałharyi pryhatavacca
Na moj pohlad, isnujuć 2 pamyłki interpretacyi:
1. "Biełaruś niešta zrobić i paniasie adkaznaść za heta". (Jak u Statkieviča: "voźmie ŭdzieł u ahresiŭnych dziejańniach suprać NATO ci stanie tyłam dla takich dziejańniaŭ", u Našaj Nivy: adkaz "na tych kirunkach, ź jakich napad budzie ažyćcioŭleny. Kali ź Biełarusi — to pa Biełarusi").
Nie tak, bo kamandnyja punkty SPA RF užo znachodziacca ŭ Biełarusi i pry luboj ahresii Rasiei ŭ rehijonie buduć vykonvać vajskovyja zadačy, a tamu i sami buduć zakonnaj vajskovaj metaj.
2. Uzmacnieńnie "ŭdar pa vajskovych abjektach RF u Biełarusi" da "ŭdar pa Biełarusi" abo navat "udar pa biełarusach".
ŚMI, palityki, błohiery, hramadstva ŭzmacniajuć, bo tak hučyć hałaśniej, a zaraz chto hałaśniej, taho i pačujuć.
Nie tak, bo meta nie ŭ niejkim ustalavańni spraviadlivaści i pomście ("a Biełaruś/biełarusaŭ za što"), a ŭ vajskovaj łohicy pryjarytetnaha źniščeńnia abjektaŭ voraha.
Umoŭna, kali ŭ adkaz na ahresiju RF z Polščy abo Hiermanii pa vajennych abjektach u Kalininhradskaj abo Leninhradskaj vobłaści palaciać rakiety, to radary ŭ Biełarusi z-za hieahrafičnaha stanovišča buduć adnym z hałoŭnych tryhieraŭ aktyvacyi rasiejskaj sistemy abarony, i tamu adnačasova sami stanuć metaj dla źniščeńnia.