U Novaj Maskvie ŭ vyniku ataki bieśpiłotnikaŭ paškodžanyja paliklinika i žyłyja damy. U Sierpuchavie atakavany arsienał Minabarony Rasii
Pavodle słoŭ mera rasijskaj stalicy Siarhieja Sabianina, ź viečara 21‑ha kastryčnika da čatyroch hadzin ranicy ŭ bok Maskoŭskaha rehijona lacieli 630 ukrainskich bieśpiłotnikaŭ.
Bolšuju častku ź ich, jak piša mer, źbili na dalokich rubiažach, jašče 163 — na padlocie da Maskvy. Dva čałavieki paciarpieli ŭ rajonie Voranava (Trajeckaja i Navamaskoŭskaja akruhi), piša «Dožd́».
U Sierpuchavie atakavana AAT «75 Arsienał» — pradpryjemstva Minabarony, jakoje vyrablaje zbroju i bojeprypasy, a taksama ramantuje vajennuju techniku. Na terytoryi zavoda adbyŭsia vybuch, paviedamlaje vydańnie.
U Lipiecku, pavodle paviedamleńnia hubiernatara Artamonava, paciarpieŭ mužčyna 2001 hoda naradžeńnia, jon znachodzicca ŭ balnicy. Miascovyja ŚMI pišuć, adznačaje Astra, što jon atrymaŭ ranieńni ŭ vyniku «padzieńnia abłomkaŭ» na šmatpaviarchovy dom u žyłym kompleksie «Atmaśfiera».
Hubiernatar taksama paviedamiŭ pra paškodžanyja vokny i fasady niekalkich pryvatnych i šmatkvaternych damoŭ u roznych rajonach horada, a taksama pra paškodžańnie budynka palikliniki na vulicy Mierkułava. Paliklinika była zakrytaja, ludziej unutry nie było.
U Tulskaj vobłaści, pavodle słoŭ hubiernatara Dźmitryja Milajeva, źbili 70 bieśpiłotnikaŭ. Paciarpiełych niama, paškodžanyja pryvatnyja damy ŭ Zaokskim rajonie i ŭ Tule.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary