У ноч з 22 на 23 кастрычніка беларусы часова не змогуць купіць або вярнуць чыгуначныя квіткі праз інтэрнэт. Беларуская чыгунка папярэдзіла, што анлайн-сэрвісы будуць недаступныя на працягу пяці гадзін праз тэхнічныя работы.
З 00:00 да 05:00 23 кастрычніка 2026 года не будзе працаваць раздзел «Паслугі пасажырам» на сайце pass.rw.by. Абмежаванні таксама закрануць мабільны дадатак «БЧ. Мой цягнік». Пасажыры не змогуць праглядаць расклад цягнікоў, набываць электронныя квіткі і вяртаць іх. Гэта тычыцца цягнікоў як з нумараванымі, так і з ненумараванымі месцамі.
На час тэхнічных работ Беларуская чыгунка прапануе некалькі альтэрнатыўных спосабаў набыць квіткі. Іх можна будзе купіць або вярнуць у чыгуначных касах. У тэрміналах самаабслугоўвання можна будзе аформіць квіткі на цягнікі з ненумараванымі месцамі. А ўдакладніць расклад цягнікоў з нумараванымі месцамі можна будзе па тэлефоне кантакт-цэнтра БЧ — 105.
Раней набытыя праз сайт квіткі не знікнуць. Інфармацыю пра іх можна будзе паглядзець у мабільным дадатку «БЧ. Мой цягнік, аўтарызаваўшыся з тымі самымі лагінам і паролем, што выкарыстоўваюцца на сайце pass.rw.by.
Пасля завяршэння тэхнічных работ анлайн-сэрвісы павінны аднавіць працу. Беларуская чыгунка папрасіла прабачэння ў пасажыраў за часовыя нязручнасці.
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў49
Каментары