Аляксандр Лукашэнка даручыў вывучыць магчымасць выкарыстання сучасных трамваяў у Мінскім метрапалітэне. Гэта пытанне ён падняў 23 кастрычніка падчас наведвання холдынга «Белкамунмаш», піша БелТА.
Лукашэнку паказалі ўзоры айчыннай трамвайнай тэхнікі, у тым ліку трохсекцыйны нізкападлогавы трамвай, які вырабляюць для Чалябінска. У гэтым расійскім горадзе развіваюць гібрыдную сістэму метратрамвая, якая аб'ядноўвае звычайныя трамвайныя рэйкі і падземныя тунэлі.
Палітык прапанаваў вывучыць, ці можна пасля неабходных дапрацовак выкарыстоўваць такую тэхніку ў беларускім метро. Паводле яго слоў, гэта магло б дапамагчы замяніць імпартную прадукцыю айчыннай.
Ён таксама адзначыў, што будаўніцтва падземных ліній метро значна даражэйшае за выкарыстанне наземнага транспарту. Таму, на яго думку, там, дзе гэта магчыма, варта выводзіць транспартныя маршруты на паверхню і ўлічваць выдаткі.
«Белкамунмаш» вырабляе шматсекцыйныя трамваі, якія, як мяркуецца, можна было б выкарыстоўваць замест закупленых за мяжой цягнікоў метро. Лукашэнка звярнуў увагу і на патрэбу ў такім транспарце для злучэння з аэрапортам і гарадамі-спадарожнікамі Мінска.
Пытанне аб магчымасці выкарыстання трамваяў у метрапалітэне даручана вывучыць у першай палове 2027 года. Гэтым павінны заняцца профільны міністр і віцэ-прэм'ер разам з кіраўнікамі прадпрыемстваў, а таксама старшыня Савета Рэспублікі і ўпаўнаважаная прадстаўніца Лукашэнкі ў Мінску Наталля Качанава.
Міністр прамысловасці Андрэй Кузняцоў паведаміў, што паказаны трохсекцыйны трамвай мае даўжыню 28 метраў. Пры неабходнасці яго можна падоўжыць удвая — да 56 метраў. Магчымасць выкарыстання такой тэхнікі залежыць ад інфраструктуры чыгуначнай лініі. Яшчэ адна асаблівасць трамвая — дзверы з абодвух бакоў вагона.
У Наваполацку падоўжаць трамвайную лінію. У перспектыве яна мае дайсці да Полацка
«Марыя» падыходзіць да Камароўкі, «Алеся» — да гасцініцы «Беларусь». Стала вядома, на якім этапе будаўніцтва трох новых станцый мінскага метро
Новыя магістралі і мост цераз Дразды. Якой будзе дарожная сетка на поўначы Мінска
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім5
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары
[Зрэдагавана]