Трамп патэлефанаваў Маску і папрасіў яго зняць абмежаванні Starlink для Украіны
Прэзідэнт ЗША Дональд Трамп правёў тэлефонную размову з Іланам Маскам і заклікаў яго скасаваць абмежаванні хуткасці працы вайсковай версіі спадарожнікавай сістэмы сувязі Starlink ва Украіне. Пра гэта паведамляе The Wall Street Journal са спасылкай на амерыканскіх чыноўнікаў.
Паводле суразмоўцаў выдання, неўзабаве пасля размовы 22 кастрычніка спадарожнікавая сувязь пачала працаваць больш стабільна. Украінскія чыноўнікі адзначылі, што сістэма яшчэ не аднавіла поўную функцыянальнасць, але хуткасць перадачы даных ужо стала вышэйшай, чым пры ўстаноўленым абмежаванні.
Як піша WSJ, Трамп быў незадаволены тым, што хуткасць перадачы даных залежала ад хуткасці руху дрона і штучна значна змяншалася, калі ён ляцеў хутчэй за 160 км/г. Паводле слоў выдання, гэта перашкаджала ўкраінскім сілам абароны выкарыстоўваць ударныя далёкабойныя беспілотнікі і рэактыўныя дроны-перахопнікі для супрацьдзеяння расійскім паветраным атакам. На гэтым тыдні кіраўнік Белага дома паведаміў сваім памочнікам і саюзнікам, што хоча скасаваць абмежаванні сэрвісу, якім вайскоўцы карыстаюцца на перадавой.
Вайсковы эксперт Фонду Карнегі Майкл Кофман заявіў, што зняцце абмежаванняў можа істотна пашырыць магчымасці Украіны наносіць удары на аператыўную глыбіню і дапамагчы павялічыць выкарыстанне рэактыўных дронаў-перахопнікаў. Паводле яго слоў, падчас першых выпрабаванняў украінскія падраздзяленні ўжо адзначылі аднаўленне стабільнай працы сеткі.
Кампанія SpaceX, Ілан Маск і пасольства Украіны ў Вашынгтоне пакуль не пракаментавалі гэтую інфармацыю. У Белым доме спаслаліся на нядаўнія заявы Трампа, у якіх ён адмаўляў, што асабіста загадваў запаволіць працу Starlink або ведаў, хто ініцыяваў увядзенне абмежаванняў.
Рубіа: Без дапамогі ЗША Украіны не было б
Starshield для Украіны запаволілі па загадзе Маска
Еўропа не можа замяніць ЗША ў забеспячэнні Украіны спадарожнікавымі разведданымі
Рубіа: Украіна не мае доступу да ваеннай спадарожнікавай сістэмы Starshield
Ідэю запаволіць працу Starlink ва Украіне прапанаваў Трампу Маск — Telegraph
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары
[Зрэдагавана]
Ведь, суммарно, трамп заблокировал старлинк для тактических дронов в 120 киломметровой зоне от линии фронта, что позволило русским получить преимущество на линии соприкосновения. Ограничив передачу данных для дронов-перехватчиков сначала на скорости дрона в 60 км в час, затем 100 км час и остановив этот предел на 160 км в час, он полностью лишил возможности перехвата русских, крылатых ракет, реактивных дронов, добавляем блокировку раннего предупреждения о баллистике и получаем ковровые, безнаказанные удары русских по энергосистеме Украины, по жилым кварталам, больницам, детсадам, торговым центрам розницы, что поивело к 5 кратному росту жертв среди мирного населения Украины !
Американское Позорище и Посмешище заигралось, выполняя распоряжения и просьбы путина.