Jak doŭha nie znošvajucca dalary? Voś jaki termin majuć 5, 50 i 100 dalaraŭ
U kožnaha naminału termin rozny.
Dalaravyja banknoty ZŠA vyrablajuć z sumiesi 25 pracentaŭ lnu i 75 pracentaŭ bavoŭny. Ale, jak i ŭ lubych hrošaj, u ich jość miaža tryvałaści, raskazvaje Myfin.
Termin słužby kupiur, jaki pryvodzić Fiederalnaja reziervovaja sistema ZŠA, — heta siarednija pakazčyki dla amierykanskaha abarotu. U ZŠA dalary vykarystoŭvajuć kožny dzień: imi raźličvajucca ŭ kramach, kafe, na zapraŭkach, imi ž dajuć reštu.
U bolšaści krain, u tym liku ŭ Biełarusi, dalar nie źjaŭlajecca paŭsiadzionnaj valutaj. My nie raźličvajemsia im u kramach, tamu ŭ takich umovach kupiury zvyčajna słužać daŭžej, čym tam, dzie dalar — asnoŭny srodak płaciažu.
Čamu 100 dalaraŭ žyvuć daŭžej za ŭsich
Samaja «žyvučaja» banknota — 100 dalaraŭ. U siarednim jana słužyć 24 hady. Usio tamu, što sotniu redka traciać u kramach: jaje čaściej adkładvajuć, zachoŭvajuć u siejfach abo vykarystoŭvajuć dla bujnych raźlikaŭ.
Śledam iduć 50 dalaraŭ — amal 15 hadoŭ. Kupiury pa 20 dalaraŭ słužać trochi bolš za 11 hadoŭ.
Drobnyja kupiury znošvajucca chutčej
1-, 5– i 10‑dalaravyja kupiury čaściej pierachodziać z ruk u ruki, tamu chutčej stračvajuć vyhlad. Siaredni termin słužby adnadalaravaj banknoty — trochi bolšy za 7 hadoŭ, u piaciorki i dziasiatki — kala 6 hadoŭ.
Inakš kažučy, pakul adna stodalaravaja kupiura «žyvie», adnadalaravuju mohuć zamianić amal čatyry razy.
Što važna viedać
Važna adroźnivać fizičny znos i jurydyčny status banknoty. Termin słužby — heta siaredni pieryjad, na praciahu jakoha kupiura znachodzicca ŭ abarocie da znosu, paśla čaho jaje vymajuć z abaračeńnia i źniščajuć.
«Terminu prydatnaści» jak takoha ŭ dalaravych banknot niama: usie kupiury, vypuščanyja Fiederalnaj reziervovaj sistemaj ZŠA paśla 1914 hoda, zastajucca zakonnym apłatnym srodkam.
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary
dyk im choć by chny... navat lepš stali
jak novieńkija