Maładaja biełaruska trymaje ŭ strachu Maltu — pahražała miedykam i palicejskim, a kali jaje adpuścili, to pakusała partniora
Imia 28‑hadovaj hramadzianki Biełarusi Aryny Zrakavaj usio čaściej traplaje ŭ kryminalnuju zvodku vostrava. Ciapier jana pad vartaj.
Pieršy zalot Aryny (Aryna Zrakava) zdaryŭsia ŭ studzieni 2026 hoda. Jana tak napiłasia ŭ miastečku Harhur (Għargħur), što, havoračy jurydyčnaj movaj, nie mahła pakłapacicca pra siabie sama. Ale kali pryjechali miedyki i palicejskija, kab dapamahčy joj, to biełaruska abražała ich i pahražała.
Spačatku Zrakava admaŭlała vinu, ale potym usio ž pryznała ŭsie abvinavačańni. Sud pryznaŭ jaje vinavataj u abrazach i pahrozach, parušeńni hramadskaha paradku i publičnym pjanstvie.
Uličyŭšy, što ŭ dziaŭčyny jość prablemy z ałkaholem i narkotykami, sud zamiest turmy pryznačyŭ joj try hady vyprabavalnaha terminu, štraf 1200 jeŭra, prymusovaje lačeńnie ad zaležnaściaŭ na try hady i achoŭny ordar na karyść piaci paciarpiełych — taksama na try hady.
Adnak na hetym Aryna nie supakoiłasia. Jak paviedamlaje telekanał TVM, ranicaj 19 lipienia Zrakava źjaviłasia ŭ haražy ŭ horadzie Kurmi (Qormi), dzie pracuje jaje były partnior. Jana ŭdaryła mužčynu šlemam i ŭkusiła jaho za palec. Akramia taho, joj inkryminujuć paškodžańnie matacykłaŭ i łabavaha škła aŭtamabilaŭ u haražy — škoda aceńvajecca bolš čym u 2000 jeŭra.
20 lipienia ŭ sudzie Zrakava nie pryznała siabie vinavataj. Abarona prasiła vyzvalić jaje pad zakład, ale prakuratura zapiarečyła — u tym liku tamu, što paciarpieły jašče nie daŭ pakazańniaŭ. Sud admoviŭ u zakładzie i pakinuŭ biełarusku pad vartaj, a na karyść byłoha partniora vydaŭ achoŭny ordar terminam na try hady.
Kali vinu Aryny ŭ druhim napadzie dakažuć, to joj budzie pahražać pakarańnie i pa studzieńskaj spravie.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary