Minachovy zdaroŭja zakryła adzin miedcentr, a dziejnaść dvuch adnaviła
Lačebna-kantrolny saviet Ministerstva achovy zdaroŭja pryniaŭ rašeńnie ab prypynieńni z 14 kastryčnika 2022 hoda dziejańnia licenzij na miedździejnaść u dačynieńni da TDA «Eliton plus», paviedamlaje BIEŁTA. Dziejnaść licenzij TAA «Miedycynski centr «Nardzin» i TAA «Try Dantysty Plus» adnoŭlenaja.
Siońnia kalehija Ministerstva achovy zdaroŭja paćvierdziła rašeńnie lačebna-kantrolnaha savieta, praviedzienaha 29 vieraśnia 2022 hoda. Kamisija vyjaviła hrubyja parušeńni ŭ pracy «Eliton plus».
U pryvatnaści, pavodle Minzdaroŭja, u centry dapuskali parušeńnie sanitarna-epidemijałahičnych patrabavańniaŭ, sanitarnych norm i pravił. Nie było damovaŭ na techabsłuhoŭvańnie i ramont miedtechniki. Adsutničała miedycynskaja dakumientacyja, jakaja patrebnaja dla vykanańnia rabot i (abo) akazańnia pasłuh.
U Ministerstvie achovy zdaroŭja ŭpeŭnienyja, što vyjaŭlenyja niedachopy i parušeńni pa sukupnaści mohuć paciahnuć pryčynieńnie škody dziaržaŭnym abo hramadskim intaresam, navakolnamu asiarodździu, žyćciu, zdaroŭju, pravam i zakonnym intaresam hramadzian, subjektaŭ haspadarańnia abo stvaryć pahrozu pryčynieńnia takoj škody.
Taksama na pasiadžeńni ŁKS razhladalisia pytańni ab pryniatych mierach pa vypraŭleńni vyjaŭlenych parušeńniaŭ u TAA «Miedycynski centr «Nardzin» i ŭ TAA «Try Dantysty Plus».
Raniej rašeńniem ŁKS, a zatym kalehii Ministerstva achovy zdaroŭja było prypyniena dziejańnie licenzij na miedździejnaść hetych subjektaŭ haspadarańnia. Paśla analizu i abmierkavańnia materyjałaŭ pravierak, pradstaŭlenych paŭtornymi kamisijami Ministerstva achovy zdaroŭja, ŁKS pryjšoŭ da vysnovy, što ŭsie vyjaŭlenyja parušeńni likvidavanyja. U suviazi z hetym pryniataje rašeńnie, zhodna ź jakim hetyja TAA mohuć adnavić dziejańnie licenzij na miedździejnaść.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»7
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary