Staryja karpusy zavoda «Łuč» u Minsku pierabudujuć pad biznes-centr i miedkompleks. Prajekt vyniesieny na abmierkavańnie
U administracyi Pieršamajskaha rajona startavała hramadskaje abmierkavańnie prajekta rekanstrukcyi starych karpusoŭ zavoda «Łuč». Na źmienu pramysłovym pabudovam abiacajuć sučasny šmatfunkcyjanalny kompleks, paviedamlajuć «Minsk-Naviny».
Zhodna z materyjałami, apublikavanymi na sajcie rajonnaj administracyi, rekanstrukcyja zakranie dva budynki: trochpaviarchovy vytvorčy korpus (pr. Niezaležnaści, 95) i raźmieščany pobač adnapaviarchovy skład. Na ich miescy płanujecca ŭźvieści novy siamipaviarchovy ofisny kompleks i profilny miedycynski centr.
Płošča budučaha biźnies-centra składzie 5 219 kv. m. Jaho pieršy jarus ź piacimietrovymi stolami adviaduć pad handlovuju zonu (291 kv. m) i miedycynski błok.
Ofisy i administracyjnyja pamiaškańni zojmuć uzroŭni z druhoha pa siomy. Na trecim i šostym pavierchach zaprajektavany kanfierenc-zała i dźvie vystavačnyja placoŭki pa 170 kvadrataŭ kožnaja.
Susiedni skład chimikataŭ taksama čakaje pierabudova — jaho adaptujuć pad miedcentr sa stamatałahičnymi łabaratoryjami (224 kv. m).
Dla haściej i rabotnikaŭ kompleksu arhanizujuć 78 parkovačnych miescaŭ, a taksama dapoŭniać terytoryju hazonami i zialonymi nasadžeńniami.
Publičnyja abmierkavańni prajekta praciahnucca da 10 žniŭnia ŭklučna. Zaŭvahi i prapanovy z abaviazkovaj pamietkaj «hramadskaje abmierkavańnie» nieabchodna nakiravać pa paštovym abo elektronnym adrasie (220012, h. Minsk, zav. Kuźmy Čornaha, 5, kab. 306; [email protected]).
Vyniki padviaduć na pasiadžeńni architekturna-horadabudaŭničaha Savieta pry hałoŭnym architektary horada Minska.
-
Babaryka, Zołatava i jašče niekalki dziasiatkaŭ byłych palitviaźniaŭ zaklikali jeŭrapiejskich lidaraŭ aktyŭniej damaŭlacca nakont vyzvaleńniaŭ
-
Maleńkaha syna zabitaj u Izraili biełaruski choča zabrać siamja Ali, padazravanaha ŭ zabojstvie. Dzied idzie ŭ šaryjacki sud
-
Sieviaryniec raskazaŭ, jak na źjeździe BCHD łavili ahientaŭ
Kamientary