Dola kitajskich aŭto ŭ prodažach u Jeŭropie dasiahnuła rekordnych 10,9%
Dola kitajskich aŭtabrendaŭ, pradadzienych na jeŭrapiejskim rynku, dasiahnuła rekordnych 10,9% u červieni — prodažy vyraśli na 118% da 150 272 adzinak. Rost zabiaśpiečyli ŭ asnoŭnym padłučalnyja hibrydy (PHEV) i poŭnyja hibrydy, jakija nie padpadajuć pad dadatkovyja myty ES na elektramabili, paviedamlaje asacyjacyja ECG.
Lidary siarod kitajskich brendaŭ:
- SAIC (MG) — 38 640 prodažaŭ (+52%);
- BYD — 38 300 (+146%);
- Chery Group — 35 228 (+262%);
- Leapmotor — 12 714 (+566%);
- Geely Group — 11 873 (+44%).
Siehmient poŭnych hibrydaŭ vyras na 246%, a padłučalnych hibrydaŭ — na 213%
Na dolu elektramabilaŭ z akumulatarnymi batarejami prypadała 35% prodažaŭ kitajskich brendaŭ, a na dolu padłučalnych hibrydaŭ — 31%, u toj čas jak hod tamu hetyja pakazčyki składali 38% i 22% adpaviedna.
Z pačatku hoda MG utrymlivaje lidarstva, dalej idzie BYD i Chery. U cełym kitajskija brendy naraścili prodažy ŭ Jeŭropie na 101% da 685 990 aŭto, pavialičyŭšy dolu rynku z 5% da 9,5% za hod.
Kamientary