Biełaruski režysior Jaŭhien Karniah stavić u Maskvie śpiektakl pra apošnija dni ŭ bunkiery Hitlera
Maskoŭski jaŭrejski teatr «Šałom» abviaściŭ płany na siezon 2026-2027, siarod premjer — śpiektakl hałoŭnaha režysiora biełaruskaha teatra lalek Jaŭhiena Karniaha, piša Reform.news.
Pieršyja pakazy śpiektakla Karniaha «Mahda» pa pjesie brytanskaha dramaturha Majkła Ardyci projduć 12 i 13 vieraśnia. Dziejańnie śpiektakla adbyvajecca ŭ bierlinskim bunkiery Hitlera 22 krasavika 1945 hoda. U asnovie siužeta — sustreča Jevy Braŭn, kachanki Hitlera, i Mahdy Hiebiels, žonki ministra prapahandy Jozefa Hiebielsa. Praz vobrazy ludziej, jakija apynulisia pobač z uładaj, robicca sproba daśledavać praces pieratvareńnia kulturnaj i humanistyčnaj Hiermanii ŭ nacysckuju dziaržavu, kiravanuju hvałtam.
«Bunkier niby sabraŭ mini-madel hiermanskaha hramadstva taho času: tut i naiŭnyja ludzi, jakija ničoha nie chacieli viedać pra źvierstvy nacyzmu, i pradstaŭniki naroda, «ad ziamli», jakija ščyra padtrymlivajuć Hitlera, i fanatyk, i intelihient, i ideołah, i «budučynia nacyi» — dzieci, jakija vierać, što ich baćki i dziadźka fiurer — «samyja lepšyja ludzi na płaniecie», — paviedamlaje anatacyja.
«Jak atrymałasia, što vydatnaja Hiermanija — radzima Šylera, Hiote, Dziurera, Mana, Remarka, Brechta i sotniaŭ inšych vialikich humanistaŭ — pieratvaryłasia ŭ nacysckuju dziaržavu, jakaja spalvaje ludziej i źniščaje svabodu? Chto adkaža za miljony źniščanych žyćciaŭ i razburanych damoŭ? Chto atrymaje pakarańnie, i ci jość jano?» — nad hetymi pytańniami prapanujuć zadumacca hledaču.
Žanr novaj pastanoŭki Karniah vyznačyŭ jak «kałychanku, jakaja pierachodzić u chorar».
Razam z režysioram nad premjeraj pracujuć mastačka Taćciana Niersisian, mastak pa śviatle Mikałaj Surkoŭ i kampazitarka Kaciaryna Avierkava.
Dla Jaŭhiena Karniaha heta pieršaja praca na scenie «Šałoma».
Tieatr «Šałom» byŭ zasnavany ŭ 1988 hodzie jak pieršy i adziny ŭ Rasii prafiesijny jaŭrejski teatr. Za hady pracy zarekamiendavaŭ siabie jak ekśpierymientalnaja placoŭka, dzie staviać śpiektakli na vostryja sacyjalnyja i kulturnyja temy. «Šałom» pryciahvaje hledačoŭ nie tolki jaŭrejskimi pastanoŭkami, ale i prajektami, pryśviečanymi ahulnačałaviečym kaštoŭnaściam. Teatr aktyŭna supracoŭničaje z režysiorami i dramaturhami, jakija pracujuć u žanry sacyjalnaha teatra.
-
I druhi nacyjanalny akademičny teatr, Kołasaŭski, absadzili režysioram z Maskvy
-
U Italii štučny intelekt adšukaŭ skradzienuju karcinu, na jakoj złodziei staranna zamalavali nimb i jahnia. Zaraz ałharytm pačnie palavańnie na narabavanyja rasijanami skarby Ukrainy
-
U histaryčnym centry Mahilova za paŭmiljona dalaraŭ pradajuć ružovy budynak vajenkamata
Ciapier čytajuć
Chto takaja Alesia Parchomienka z Kipra, jakaja raźviazała biełaruska-biełaruskuju vajnu32
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1414
Kamientary
Nu, kolki možna na adny i tyja ž hrabli. Śpiektakl zabaroniuć, artystaŭ, habrejaŭ, pasodzuć, režysiora "rastralajuć", a narod hetych "vorahaŭ narodu" asudzić.
Asabista u mianie nijakaha sumnieńnia ŭ takim scenary hetaha śpiektakla niama.