Śledčy kamitet paviedamiŭ pra zaviadzieńnie śpiecvytvorčaści ŭ dačynieńni da Viačasłava Kasinierava i Maryny Kasinieravaj — stvaralnikaŭ pravaabarončaj inicyjatyvy Dissidentby.
Viačasłava Kasinierava abvinavačvajuć u «stvareńni ekstremisckaha farmavańnia», «raspalvańni sacyjalnaj varožaści», «raspaŭsiudzie chłuślivych źviestak» pra Biełaruś, «publičnaj abrazie prezidenta Biełarusi» i «sadziejničańni ekstremisckaj dziejnaści».
Marynu Kasinieravu abvinavačvajuć u «stvareńni ekstremisckaha farmavańnia», «paŭtornym stvareńni ekstremisckaha farmavańnia», «raspalvańni sacyjalnaj varožaści», «raspaŭsiudzie zaviedama chłuślivych źviestak» pra Biełaruś, «publičnaj abrazie prezidenta Biełarusi», «sadziejničańni ekstremisckaj dziejnaści» i «paŭtornym sadziejničańni ekstremisckaj dziejnaści».
Pradstaŭniki biełaruskaha anarchisckaha ruchu, sužoncy Maryna i Viačasłaŭ Kasinieravy, — adny z zasnavalnikaŭ inicyjatyvy Dissidentby, jakaja dapamahaje palitviaźniam i inšym ludziam, represavanym u Biełarusi. Inicyjatyva asabliva zasiarodžvajecca na dapamozie tym, kaho pa roznych pryčynach pravaabaroncy nie pryznali palityčnymi źniavolenymi.
Taksama Śledčy kamitet paviedamiŭ pra pačatak śpiecyjalnaj vytvorčaści ŭ dačynieńni da jašče adnaho biełarusa — Jaŭhiena Razumko.
Jamu inkryminujuć udzieł u masavych biesparadkach ź niepasrednym užyvańniem hvałtu, a taksama zamach na zabojstva supracoŭnikaŭ orhanaŭ unutranych spraŭ u suviazi z vykanańniem imi abaviazkaŭ pa achovie hramadskaha paradku.
Kamientary