Biełaruskija zubry, jakich uzimku pryvieźli ŭ Baškartastan, za tydzień abraśli doŭhaj poŭściu

Niadaŭna ŭ Baškartastanie vyrašyli adnavić papulacyju zubroŭ, jakija daŭniej žyli ŭ rehijonie.

Pieršyja žyvioły, jakich pryvieźli ź Biełaviežskaj puščy, źjavilisia tut u 2023 hodzie. Niekatoryja z zaviezienych samak užo byli ciažarnyja, a paźniej zubry dali patomstva ŭ Baškarstanie

— Usie cialaty, jakija źjavilisia paśla pieršaha zavozu, vyžyli, — paviedamiŭ Vasil Martynienka. — A ŭ 2024 hodzie ŭžo naradzilisia zubraniaty niepasredna tut, na baškirskaj ziamli. Tak pastupova farmirujecca naša papulacyja.

Niadaŭna ŭ respubliku pryvieźli jašče šeść zubroŭ. Ich nabyćcio i pieradaču rehijonu padtrymali ekałahična adkaznyja kampanii. Adna z samak taksama akazałasia ciažarnaj.

— Adna z samak naradziła ciala ŭžo ŭ valjery, — tłumačyć ekśpiert. — Dobraje takoje cialatka, ja jaho niadaŭna bačyŭ. Płanujecca, što bližej da vosieni žyvioł vypuściać na volu, kab jany paśpieli adužeć da zimy. I my spadziajemsia, što dalej jany buduć razmnažacca hetak ža, jak tyja zubry, jakija ŭžo žyvuć u naturalnych umovach.

U adroźnieńnie ad baškirskich koniej, zubry nie mohuć zdabyvać korm z-pad hłybokaha śniehu kapytami.

— Zubr razhrabvaje śnieh mordaj, — tłumačyć spadar Martynienka. — Krytyčnaj dla jaho ličycca hłybinia śniežnaha pokryva kala 40 santymietraŭ. Ekśpierty razumieli, što heta moža stać prablemaj, ale vyrašyli pasprabavać.

Adnak žyvioły davoli chutka pakazali, što zdolnyja samastojna znachodzić prydatnyja miescy dla zimoŭki.

Baškirski klimat zubry pieranosiać lepš, čym mierkavali śpiecyjalisty. Asabliva pakazalnym staŭ adzin ź pieršych zavozaŭ žyvioł.

— U 2023 hodzie zubroŭ pryvieźli ŭ śniežni. U ciaśninie tady było kala minus 35 hradusaŭ, a ŭ Biełarusi, adkul jany jechali, tempieratura była značna vyšejšaja — minus 10 hradusaŭ. Ja, ščyra kažučy, pieražyvaŭ i ŭžo vyvučaŭ mahčymyja chvaroby, dumaŭ, jak jany heta pieraniasuć, — uspaminaje spadar Martynienka.

Z-za zatrymki z dastaŭkaj žyvioły prybyli ŭ respubliku padčas karotkačasovaha paciapleńnia, ale ŭžo praz tydzień znoŭ rezka pachaładała.

— Za hety tydzień u ich nastolki mocna adrasła poŭść, što ja byŭ ašałomleny, — kamientuje bijołah. — Potym tempieratura apuściłasia amal da minus 40 hradusaŭ, i našy zubry absalutna spakojna heta pieražyli. Nakolki jany adčuvajuć źmieny klimatu i jak chutka adaptujucca — heta sapraŭdy dziŭna.

• 4
• 0
• 0
• 0
• 1
• 0
• 0
• 2