Darafiejeva zachaplajecca Hrecyjaj, a Lebiedzieva łaščyć kapibar u Tajłandzie. Dzie adpačyvajuć łukašenkaŭskija zorki?
Hieahrafija samaja raznastajnaja — i Azierbajdžan, i Turcyja, i Vjetnam.
Śpiavačka Iryna Darafiejeva palacieła adpačyvać u Hrecyju. Pačała z vostrava Korfu — ale toj padaŭsia artystcy nadta šumnym. Tamu jana vyrašyła praciahnuć vodpusk na macierykovaj častcy krainy.
Ad Ianičnaha mora śpiavačka zastałasia ŭ zachapleńni.
Prapahandystka Ksienija Lebiedzieva sa svaim trecim mužam u mai palacieła ŭ Tajłand na vostraŭ Samui. Šlach da adpačynku byŭ doŭhim — 15 hadzin i try pierasadki.
Lebiedzieva spłanavała vandroŭku tak, kab jašče byŭ čas pahulać u Banhkoku. Ździŭlałasia, što adzinaja tablička na ruskaj movie, jakuju jana pabačyła ŭ parku Lumpini, była: «Drony padymać zabaroniena».
Na samim vostravie Ksienija z mužam pajšli bližej znajomicca z kapibarami dy ciskać surykata.
Prydvorny kampazitar Jaŭhien Alejnik z žonkaj, śpiavačkaj Aŭraj, i dziećmi pajechaŭ u Baku. Spyniłasia siamja ŭ čatyrochzorkavym hateli Ramada by Wyndham Baku.
Maładaja śpiavačka Hanna Trubiackaja aktyŭna pracuje na dźvie krainy: u Biełarusi jana častaja ŭdzielnica praŭładnych mierapryjemstvaŭ, a ŭ Rasii z entuzijazmam śpiavaje na z-kancertach.
Adpačyvać artystka palacieła ŭ nataŭskuju Turcyju. Vybrała šykoŭny piacizorkavy hatel Voyage Kundu. Svoj adpačynak Hanna acaniła tak: «Pryhožyja krajavidy 10/10. Mora — 10/10. Ježa… Vybačajcie, ale Maskva i Minsk zanadta mocna zavysili standarty…».
Darja Račko, samaja maładaja zorka biełaruskaj prapahandy, jakaja niadaŭna ŭziałasia za prajekt «U paniadziełak dojdzie da Łukašenki», u kancy lutaha tusiła ŭ Dubai.
Ale tady jaje adpačynak byŭ krychu sapsavany: jakraz tady krainu atakavali iranskija bieśpiłotniki.
A voś letam Darja palacieła adpačyć u Vjetnam.
Maldyvy, Zanzibar i Italija: kudy paniesła adpačyvać prychilnikaŭ Łukašenki
Łanskaja na Zanzibary, Darafiejeva na Kubie, Siaroha ŭ Šviejcaryi: dzie adpačyvajuć zimoj łukašenkaŭskija śpievaki
Dzie sioleta adpačyvajuć Tur, Mirončyk-Ivanova, viadučaja HUBAZiKa dy inšyja łukašysty i jakija hateli jany vybirajuć?
Kamientary
[Zredahavana]