«Ja supracoŭnik KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku
U Threads stała virusnaj historyja ź minskaj optyki. Pakupnica paprasiła tam knihu zaŭvah i prapanoŭ, ale supracoŭnica ŭ adkaz pakazała joj paśviedčańnie, nazvałasia supracoŭnicaj KDB i paabiacała «prablemy», kali pakupnica nie spynicca. Šmat chto z čytačoŭ nie pavieryŭ u praŭdzivaść historyi. Ale akazałasia, što heta realna byłaja kadebešnica.
Historyja adbyłasia ŭ staličnaj optycy «Fantastyk» na vulicy Nalibockaj, 36.
Aŭtarka dopisu raspaviała, što źviartałasia tudy čatyry razy i štoraz sutykałasia z roznymi prablemami. Apošni raz jana zabrała hatovyja akulary i znoŭ znajšła niejkuju pamyłku ŭ pracy.
«Paśla hetaha supracoŭnica pačała mnie telefanavać. Šmat razoŭ zapar. Nastolki, što ja prosta fizična nie mahła narmalna karystacca telefonam. Ja skazała jašče paśla pieršaha zvanka: «Ja pryjedu ŭ kramu, i my ŭsio abmiarkujem na miescy». Prychodžu. U mianie ŭžo, naturalna, usio kipić z-za taho, što ja paŭhadziny nie mahła karystacca telefonam z-za biaskoncych zvankoŭ pradaŭca. Ale ja nie ŭčyniaju skandał. Ja prosta kažu: «Dajcie, kali łaska, knihu zaŭvah i prapanoŭ. Ja chaču pakinuć skarhu», — raskazvaje žančyna.
U adkaz supracoŭnica kramy Śviatłana pakazała joj niejkaje paśviedčańnie. «I kaža, što jana supracoŭnik KDB. A zatym: «U vas buduć prablemy».
Ad niečakanaści i abureńnia minčanka nie adrazu znajšła, što rabić i jak adkazać.
«Ja pryjšła ŭ kramu optyki. Nie na dopyt. Nie ŭ śpiecsłužbu. Nie ździajśniać złačynstva. Ja pryjšła jak pakupnik, u jakoha nazapasilisia pretenzii da jakaści absłuhoŭvańnia supracoŭnicy Śviatłany. I ja chaču pakinuć skarhu. Zvyčajnuju skarhu na supracoŭnika kramy! I ŭ adkaz mnie pakazvajuć paśviedčańnie i kažuć: «Ja supracoŭnik KDB, kali vy napišacie skarhu — u vas buduć prablemy».
Žančyna skazała, što ad pahroz była ŭ šoku. «Adna sprava, kali krama drenna absłužyła. Ale zusim inšaje, kali tabie demanstrujuć paśviedčańnie dziaržaŭnaha orhana i faktyčna kažuć: «Nie skardziciesia. Inakš paškadujecie».
Žančyna nie była ŭpeŭniena, što Śviatłana nasamreč kadebešnica.
Skarhu ŭ knizie zaŭvah i prapanoŭ jana ŭsio adno pakinuła. Napisała skarhi ŭ milicyju i KDB.
A taksama patelefanavała ŭ administracyju sietki.
«Ja tady patelefanavała ŭ hałoŭny ofis kramy z pytańniem: «U vas sapraŭdy moža pracavać supracoŭnica KDB?», na što mnie adkazali «Tak»,
a kiraŭnictva kramy paźniej sa mnoj źviazałasia i ahučyła, što ŭ jaje muž 100% u KDB, a nakont jaje [Śviatłany] nieviadoma», — napisała jana.
Ale praź dzień minčanka dała svaim čytačam u Threads dakładny adkaz.
Nie tolki muž, ale i sama Śviatłana — supracoŭnica KDB, choć i na piensii.
«Naviny na hetu hadzinu: paśviedčańnie realnaje, Śviatłana akazałasia supracoŭnikam na piensii. Sa śmiešnaha — jana ŭ pakazańniach skazała, što jana prosta mnie skazała: «Ja były supracoŭnik, pavažajcie ŭładu!» Ź cikavaha: Śviatłana skazała, što ja jaje abražała, choć u kramie ja maŭčała i prosta paprasiła knihu skarhaŭ. Z sumnaha: što jana — były supracoŭnik i niezrazumieła, čym skončycca».
Ciapier čytajuć
«Vy bačyli špalery ad zabudoŭščyka? Heta ž strašny son». Za što krytykujuć dziaržaŭny ramont u kvaterach dla čarhavikoŭ?2
Kamientary
Kraina-kazarma.