Aktrysa Marta Hołubieva vyjšła zamuž — chto staŭ abrańnikam?
Z fatohrafam-partretystam Siarhiejem Ivaškievičam ich abjadnoŭvaje luboŭ da rovarnych pajezdak.
U sacsietkach aktrysy teatra i kino Marty Hołubievaj źjavilisia fotazdymki ź viasiella, jakoje adbyłosia 8 žniŭnia.
Mužam 36‑hadovaj artystki staŭ viadomy 42‑hadovy fatohraf-partretyst Siarhiej Ivaškievič.
Siarhiej časta zdymaŭ samu Martu. Taksama ŭ jaho partfolia šmat inšych akcioraŭ, a jašče roznych miedyjnych asob rodam ź Biełarusi — lidary hrupy Naviband, Volha Chižynkova, Hieorhij Kałdun, Andrej Bond, Jaŭhien Bułka, Siarhiej Bašłykievič, Dziadzia Vania i inšyja.
Viadoma, što para, siarod inšaha, syšłasia na lubovi da rovarnych pajezdak. Na druhi ž dzień paśla viasiella jany razam nakrucili 60 kiłamietraŭ.
Marta Hołubieva ŭ minułym śpiavała ŭ ansambli «Vierasy» i hrała ŭ Kupałaŭskim teatry, adkul syšła ŭ 2020‑m. Raniej aktrysu nie raz zaŭvažali ŭ kampanii Alaksandra Łukašenki, u tym liku jana źbirała ź im kavuny.
Siońnia Marta praciahvaje zajmacca lubimaj spravaj — hraje ŭ teatry i kino, a taksama vykładaje akciorskaje majsterstva i dapamahaje moładzi rychtavacca da pastupleńnia ŭ tvorčyja VNU.
Ciapier čytajuć
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam14
Kamientary
ty ciomny , ślapy , byccam krot ! 🎥