U Minsku restaŭrujuć najstarejšy internat BNTU na praśpiekcie Niezaležnaści
Zaraz idzie rekanstrukcyja najstarejšaha internata BNTU na praśpiekcie Niezaležnaści, 61. Demantažnyja raboty praktyčna zavieršanyja, vyvieziena bolš za 1,5 tysiačy ton budaŭničych adkidaŭ, piša Realt.by.
Śpiecyjalisty źniali staruju tynkoŭku, prybrali pieraharodki, dźviarnyja błoki, znošanyja kamunikacyi, a taksama častkova razabrali draŭlanyja i žalezabietonnyja pierakryćci. Ahulny abjom vyviezienaha budaŭničaha śmiećcia pieravysiŭ 1,5 tysiačy ton.
Histaryčny fasad budynka vyłučajecca bahatym dekoram: jaho ŭpryhožvajuć pilastry, bielvieder sa špilem, dvuchschilny atyk sa skulpturaj, tematyčnyja hareljefy i rustavanaje abramleńnie voknaŭ. Padčas rekanstrukcyi vonkavyja ścieny całkam ačyściać, a stračanyja elemienty lapniny adnoviać pavodle aryhinalnych čarciažoŭ.
Nastupny etap pačniecca ŭ pačatku vieraśnia — rabočyja ŭmacujuć unutranyja kanstrukcyi budynka i zaljuć novyja mižpaviarchovyja pierakryćci z žalezabietonu. Tolki paśla hetaha, užo ŭ nastupnym hodzie, jany prystupiać da razborki haryšča i dachu.
Surjoznych źmien u płaniroŭcy nie budzie: internat zachavaje zvykłuju kalidornuju sistemu. U chodzie maštabnaha abnaŭleńnia tut całkam zamieniać vokny, dźviery i dach, adramantujuć unutranyja pamiaškańni, a taksama adnoviać histaryčny vyhlad hałoŭnaha ŭvachodu i viestybiula. Prykładna praź miesiac da adnaŭleńnia staradaŭniaha fasada płanujuć padklučyć śpiecyjalistaŭ «Biełrestaŭracyi».
Pry hetym unutranuju prastoru budynka adaptujuć da sučasnych standartaŭ: žyłyja pakoi i kalidory kapitalna adramantujuć, kab stvaryć dla studentaŭ kamfortnyja ŭmovy pražyvańnia.
Internat uźviali ŭ 1954 hodzie ŭ styli nieakłasicyzmu. Budynak uvachodzić u cełasny architekturny ansambl BNTU i maje status historyka-kulturnaj spadčyny, tamu ŭsie budaŭničyja raboty pravodziacca pad strohim navukovym supravadžeńniem.
Pieršaha namieśnika hiendyrektara «Biełviesta» pasadzili na try z pałovaj hady za palityku6
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary