Wizz Air pačaŭ zmahacca z paduškami dla šyi. Možacie raźvitvacca ź viadomym łajfchakam
Papularny łaŭkost zabaraniŭ prosta tak pranosić na bort padušku dla šyi — ciapier jaje abaviazkova treba pakłaści ŭ ručnuju pakłažu. Schavać u padušku pałovu rečaŭ bolš nie atrymajecca.
Ideja chavać u padušku dla šyi rečy, kab nie dapłačvać za čamadan, žyvie ŭ sacsietkach nie pieršy hod. Isnujuć tysiačy videa, u jakich daśviedčanyja vandroŭniki pakazvajuć, kolki ŭsiaho možna kampaktna spakavać u reč, jakuju raniej možna było spakojna pranosić na bort samalota biez dapłaty.
Naprykład, adna z tyktokierak zmahła schavać u padušku dla šyi bializnu, škarpetki, kardyhan, kambiniezon, majku, sukienku i parea. Atrymaŭsia davoli niebłahi dadatak da standartnaha zaplečnika, jaki možna brać u ručnuju pakłažu biez dapłaty.
Navat vytvorcy saryjentavalisia i pačali vyrablać pustyja paduški dla pieralotaŭ — kab nie treba było adtul ničoha vykidać.
Ale niadaŭna łaŭkost Wizz Air pačaŭ zmahacca z takimi chitrykami. U žniŭni na jaho sajcie asobnym punktam źjaviłasia infarmacyja ab tym, što paduška dla šyi nie źjaŭlajecca dadatkovaj biaspłatnaj rečču. Kali pasažyr choča ŭziać jaje na bort, paduška musić być schavanaja ŭnutry ručnoj pakłažy.
Kali paduška dla šyi nie źmiaščajecca ŭ dazvolenuju normu pravozu, jana moža razhladacca jak dadatkovy pradmiet i abkładacca adpaviednymi zborami za niehabarytny abo zvyšnarmatyŭny bahaž.
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2121
Kamientary