Tramp źbirajecca na pieramovach z Tehieranam patrabavać kampiensacyj za ludziej, zahinułych pa vinie Irana
Prezident ZŠA Donald Tramp zajaviŭ u svajoj sacsietcy Truth Social, što maje namier patrabavać ad Irana vypłaty kampiensacyj za ludziej, jakija, pavodle jaho słoŭ, zahinuli abo atrymali ciažkija ranieńni ŭ vyniku dziejańniaŭ Tehierana padčas roznych uzbrojenych kanfliktaŭ.
Tramp paviedamiŭ, što daručyŭ amierykanskim pieramoŭščykam abaviazkova ŭklučać hetaje pytańnie ŭ lubyja budučyja pieramovy ź Iranam. Tak jon adreahavaŭ na patrabavańni Tehierana ab kampiensacyi škody, naniesienaj Iranu ŭ vyniku šmatmiesiačnych amierykanskich udaraŭ.
Amierykanski prezident zajaviŭ, što raniej pytańnie mahčymych kampiensacyj z boku Irana na pieramovach pamiž dźviuma krainami nie abmiarkoŭvałasia. Ciapier ža, pavodle jaho słoŭ, ZŠA buduć patrabavać vypłaty ŭ adkaz.
U pryvatnaści, Tramp maje namier patrabavać kampiensacyi za amierykanskich vajskoŭcaŭ, jakija zahinuli abo byli paranienyja ŭ vyniku napadaŭ, jakija jon źviazvaje ź Iranam. Siarod prykładaŭ jon nazvaŭ terakt suprać amierykanskaha eśminca USS Cole u 2000 hodzie. U vyniku hetaha napadu zahinuli 17 amierykanskich vajskoŭcaŭ, jašče niekalki dziasiatkaŭ atrymali ranieńni.
Akramia taho, Tramp ličyć, što Iran pavinien vypłacić kampiensacyi svajakam ludziej, jakija zahinuli padčas pratestaŭ u samoj isłamskaj respublicy.
Kamientary