Izrailskija ŭzbrojenyja siły «nie buduć ažyćciaŭlać nijakaha vyvadu vojskaŭ da taho času, pakul CHAMAS nie budzie pa-sapraŭdnamu razzbrojeny».
Premjer-ministr Izraila Bińjamin Nietańjachu adchiliŭ płan prezidenta ZŠA Donalda Trampa pa Hazie z 15 punktaŭ, zajaviŭšy, što vyvad izrailskich vojskaŭ nie adbudziecca da taho času, pakul CHAMAS nie budzie «pa-sapraŭdnamu» razzbrojeny, paviedamlaje Bi-bi-si.
«Izrail nie prymaje hety dakumient z 15 punktaŭ», — zajaviŭ Nietańjachu na pasiedžańni kabinieta ministraŭ u niadzielu.
Izrailskija ŭzbrojenyja siły «nie buduć ažyćciaŭlać nijakaha vyvadu vojskaŭ da taho času, pakul CHAMAS nie budzie pa-sapraŭdnamu razzbrojeny, i buduć praciahvać spyniać pahrozy ŭ adras našych vojskaŭ i našych hramadzian», — dadaŭ jon.
Rada miru Trampa zajaviła ŭ lipieni, što dasiahnuła pahadnieńnia pra «poŭnaje razzbrajeńnie» CHAMAS i inšych uzbrojenych hrupovak u Hazie.
Adnak CHAMAS zajaviŭ, što zdača ciažkaha ŭzbrajeńnia zaležyć ad spynieńnia Izrailem «usich form ahresii» i vyvadu jaho vojskaŭ z Hazy. Adzin z vysokapastaŭlenych pradstaŭnikoŭ hrupoŭki zajaviŭ ahienctvu Reuters, što arhanizacyja pa-raniejšamu prychilnaja mirnamu płanu, uzhodnienamu ŭ Kairy ŭ lipieni.
U lipieni Tramp abviaściŭ pra «manumientalny krok da tryvałaha miru i biaśpieki» paśla taho, jak CHAMAS zajaviŭ, što pryniaŭ płan razzbrajeńnia dla siektara Haza.
Adnak Nietańjachu zajaviŭ, što CHAMAS musić razzbroicca da taho, jak Izrail vyviedzie svaje vojski z Hazy, dadaŭšy, što heta nie moža być niejkaje «fiktyŭnaje razzbrajeńnie».
Jon paviedamiŭ, što ŭ ciapierašni čas viadzie pieramovy z aficyjnymi asobami ZŠA pra toje, jak dziejničać dalej.
«U ich jość idei; niekatoryja ź ich dla nas prymalnyja, a niekatoryja — nie, i my viedajem, jak adstojvać svaju pazicyju pa hetych pytańniach», — skazaŭ jon.
Kamientary