Трамп збіраецца на перамовах з Тэгеранам патрабаваць кампенсацый за людзей, загінулых па віне Ірана
Прэзідэнт ЗША Дональд Трамп заявіў у сваёй сацсетцы Truth Social, што мае намер патрабаваць ад Ірана выплаты кампенсацый за людзей, якія, паводле яго слоў, загінулі або атрымалі цяжкія раненні ў выніку дзеянняў Тэгерана падчас розных узброеных канфліктаў.
Трамп паведаміў, што даручыў амерыканскім перамоўшчыкам абавязкова ўключаць гэтае пытанне ў любыя будучыя перамовы з Іранам. Так ён адрэагаваў на патрабаванні Тэгерана аб кампенсацыі шкоды, нанесенай Ірану ў выніку шматмесячных амерыканскіх удараў.
Амерыканскі прэзідэнт заявіў, што раней пытанне магчымых кампенсацый з боку Ірана на перамовах паміж дзвюма краінамі не абмяркоўвалася. Цяпер жа, паводле яго слоў, ЗША будуць патрабаваць выплаты ў адказ.
У прыватнасці, Трамп мае намер патрабаваць кампенсацыі за амерыканскіх вайскоўцаў, якія загінулі або былі параненыя ў выніку нападаў, якія ён звязвае з Іранам. Сярод прыкладаў ён назваў тэракт супраць амерыканскага эсмінца USS Cole у 2000 годзе. У выніку гэтага нападу загінулі 17 амерыканскіх вайскоўцаў, яшчэ некалькі дзясяткаў атрымалі раненні.
Акрамя таго, Трамп лічыць, што Іран павінен выплаціць кампенсацыі сваякам людзей, якія загінулі падчас пратэстаў у самой ісламскай рэспубліцы.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі13
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары