ЗША і Іран хутка прасоўваюцца ў перамовах і абмяркоўваюць поўнае аднаўленне нармальнага суднаходства ў Армузскім праліве ўжо сёння, 4 жніўня. Пра гэта Трамп сказаў у размове з журналістамі.
«Мы абмяркоўваем праліў, яго адкрыццё літаральна да заўтрашняга дня. Поўнае адкрыццё», — сказаў Трамп учора журналістам у Белым доме.
Прэзідэнт яшчэ раз запэўніў, што праход праз праліў будзе бясплатным для ўсіх суднаў, паколькі ЗША ўсталявалі поўны кантроль над гэтым марскім шляхам і не дазволяць Ірану спаганяць ніякіх плацяжоў.
«Я не дазволю ім спаганяць ніякай платы. Яны не будуць браць плату, мы не абмяркоўваем ніякіх плацяжоў», — заявіў Трамп.
Паводле слоў прэзідэнта, аднаўленне нармальнага суднаходства стане толькі першым крокам, пасля якога бакі пяройдуць да другога этапу — перамоваў адносна ядзернай праграмы Тэгерана.
«Другі этап будзе заключацца ў тым, што мы будзем гаварыць пра ядзерную праграму. Іран павінен прайсці дэядзерызацыю, ён не можа валодаць ядзернай зброяй», — падкрэсліў Трамп.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары