«Жывы». Мелстрой з’явіўся ў інстаграме пасля паведамленняў пра магчымае затрыманне і смерць
Больш за месяц ад гомельскага блогера Андрэя Бурыма не было навін пасля інфармацыі пра яго затрыманне на Кіпры.
Беларускі трэш-стрымер Андрэй Бурым, вядомы як Мелстрой, апублікаваў кароткае відэа ў інстаграме з адзіным словам — «Жывы». Раней Бурым заявіў, што яго знайшла паліцыя на Кіпры па запыце Казахстана, пасля чаго перастаў рабіць пасты.
У новым відэа блогер не патлумачыў, ці затрымлівалі яго і што адбылося пасля сустрэчы з паліцыяй.
У канцы верасня ў яго тэлеграм-канале з’явіўся ролік, у якім Бурым сказаў: «Мяне знайшла паліцыя па запыце Казахстана. Я зараз…». Неўзабаве відэа выдалілі.
Пасля гэтага казахстанскае выданне Qumash паведаміла пра магчымае затрыманне стрымера. Чытачы выдання таксама выказвалі здагадкі, што яго могуць вывезці ў Казахстан, але афіцыйнага пацвярджэння гэтаму не было.
Казахстан абвясціў Бурыма ў міжнародны вышук у лістападзе 2025 года. Суд завочна санкцыянаваў яго арышт.
Паводле казахстанскага Агенцтва па фінансавым маніторынгу, стрымера падазраюць у арганізацыі маштабнай рэкламнай кампаніі анлайн-казіно Mellstroy.game, арыентаванага ў тым ліку на карыстальнікаў з Казахстана. Для яго прасоўвання Бурым прапаноўваў падпісчыкам здымаць відэа з назвай, лагатыпамі і спасылкамі на казіно. Дзеля абяцаных прызоў некаторыя ішлі на правакацыйныя і небяспечныя ўчынкі.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць7
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5858
Каментары