Беларускі білетны аператар «Тыкетпро» правёў рэбрэндынг: у сэрвісу з'явіліся новы лагатып і абноўлены дызайн сайта. Пра змены кампанія паведаміла ў сацыяльных сетках, піша Office Life.
Сэрвіс працуе ў Беларусі з сакавіка 2009 года. Яго развівае аднайменная кампанія «Тыкетпро». Яна займаецца дзейнасцю, спадарожнай турызму. Уладальнікамі кампаніі з'яўляюцца ЗАТ «БІСМАРТ» і хакейны клуб «Дынама-Мінск». «Тыкетпро» лічыцца найбуйнейшым білетным аператарам краіны і прадае квіткі як праз інтэрнэт, так і ў рознічных пунктах.
Пра намер абнавіць брэнд кампанія задумалася яшчэ летам. У канцы чэрвеня яна падала ў Нацыянальны цэнтр інтэлектуальнай уласнасці заяўку на рэгістрацыю таварнага знака з элементамі новага лагатыпа. Яго зарэгістравалі ў верасні 2026 года.
Новы лагатып адрозніваецца ад папярэдняга колерамі, формай і шрыфтам. Зарэгістраваны таварны знак ахоўваецца ў чорным, сінім і блакітным колерах. Іх жа выкарысталі пры афармленні абноўленага сайта.
Змяніўся і парадак уваходу ў асабісты кабінет: цяпер гэта можна зрабіць з дапамогай нумара мабільнага тэлефона. Каб у кабінеце правільна паказваліся ранейшыя пакупкі, неабходна таксама пазначыць адрас электроннай пошты, які выкарыстоўваўся пры набыцці квіткоў раней.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну65
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары