Tysiačy fanataŭ Ranałdu pamyłkova pryjšli na čužoje viasielle
Kala kaścioła na partuhalskim vostravie Madejra tysiačy mabilnych telefonaŭ sprabavali zafiksavać kaštoŭny momant. Ale skončyłasia rasčaravańniem dla fanataŭ i šokam dla tych, chto žaniŭsia.
Viasielle futbalista Kryšcijanu Ranałdu i Džardžyny Radryhies pakryta tajamnicaj, ale fanaty chapajucca za lubuju začepku, kab ubačyć cyrymoniju.
U subotu 8 žniŭnia kala troch hadzin dnia sotni ludziej pačali źbiracca kala Kafiedralnaha sabora ŭ Funšale na partuhalskim vostravie Madejra, dzie, pa čutkach, moh być Ranałdu. Cyrymonija trochi zatrymlivałasia: jak i pryniata pa zvyčai, niaviesta prybyvała apošniaj i jašče adsutničała, piša «Jeŭrańjus».
Ronald-NO! Thousands of CR7 fans mob bemused wedding couple wrongly believing they are the famous fotballer and his fiancee Georgina Rodriguez https://t.co/VvljDxVT5Q
Na vulicy kala dźviuch tysiač ludziej z padniatymi mabilnymi telefonami sprabavali zafiksavać kaštoŭny momant. Mnohim heta ŭdałosia, ale kali jany zrazumieli, što niaviesta — heta nie Džardžyna Radryhies, a Nikol, a tyja, chto trapiŭ u carkvu, ubačyli, što la ałtara staić nie Ranałdu, a Fabia, jany, biezumoŭna, zastalisia rasčaravanymi.
Dla hetaj pary ekspataŭ, jakija ciapier žyvuć u Francyi, cyrymonija vydałasia nadzvyčaj ažyŭlenaj. «My adčuvajem siabie znakamitaściami», — pažartavaŭ adzin z haściej u razmovie z vydańniem Diário de Notícias da Madeira.
Niekatoryja pryjechali na Madejru śpiecyjalna, kab prysutničać na tym, što mahło b stać najbolš hučnym viasiellem hoda, kali b čutki, raspaŭsiudžanyja brytanskimi tabłoidami, paćvierdzilisia.
Na minułym tydni presa śćviardžała, što Ranałdu ź niaviestaj źbirajucca ažanicca ŭ majontku Kinta da Rehalejra ŭ Sintry ŭ subotu, 2 žniŭnia. Na hetym tydni vydańnie The Sun napisała, što cyrymonija adbudziecca 8 žniŭnia ŭ Kafiedralnym sabory Funšała a 15‑j hadzinie, a bankiet projdzie ŭ hateli Savoy Palace — paśla taho, jak vyśvietliłasia, što mienavita ŭ hety dzień raskošny hatel zabraniravaŭ dva pavierchi pad pryvatnaje mierapryjemstva.
Cisk z boku mižnarodnych ŚMI byŭ nastolki mocnym, što dyjacezija Funšała vyrašyła apublikavać fatahrafii subotniaha viasiella Fabia i Nikol, kab dapamahčy vyzvalić carkoŭny dvor.
«Paśla vialikaj błytaniny na vulicy z takoj kolkaściu žurnalistaŭ i turystaŭ nam urešcie ŭdałosia začynić carkvu i pravieści cyrymoniju», — napisała dyjacezija ŭ Facebook.
Ciapier čytajuć
28‑hadovuju ŭkrainku z Maryupala asudzili ŭ Minsku za palityku. Čamu jana pryjechała z Polščy ŭ Biełaruś, niajasna4
Kamientary
- čto?
- nu mama tak skazała čto nado nam s toboj nado kak-to požieniťsia
- čto?
- babuška skazała čto nado nam s toboj kak-to požieniťsia
- a. babuška skazała? nu raz babuška skazała, to
davaj požienimsia.. no
vot tolko ja choču, čtoby śvidietielniciej na našiej svad́bie był..
Oleh