Каля касцёла на партугальскім востраве Мадэйра тысячы мабільных тэлефонаў спрабавалі зафіксаваць каштоўны момант. Але скончылася расчараваннем для фанатаў і шокам для тых, хто жаніўся.
Вяселле футбаліста Крышціяну Раналду і Джарджыны Радрыгес пакрыта таямніцай, але фанаты хапаюцца за любую зачэпку, каб убачыць цырымонію.
У суботу 8 жніўня каля трох гадзін дня сотні людзей пачалі збірацца каля Кафедральнага сабора ў Фуншале на партугальскім востраве Мадэйра, дзе, па чутках, мог быць Раналду. Цырымонія трохі затрымлівалася: як і прынята па звычаі, нявеста прыбывала апошняй і яшчэ адсутнічала, піша «Еўраньюс».
Ronald-NO! Thousands of CR7 fans mob bemused wedding couple wrongly believing they are the famous fotballer and his fiancee Georgina Rodriguez https://t.co/VvljDxVT5Q
На вуліцы каля дзвюх тысяч людзей з паднятымі мабільнымі тэлефонамі спрабавалі зафіксаваць каштоўны момант. Многім гэта ўдалося, але калі яны зразумелі, што нявеста — гэта не Джарджына Радрыгес, а Ніколь, а тыя, хто трапіў у царкву, убачылі, што ля алтара стаіць не Раналду, а Фабіа, яны, безумоўна, засталіся расчараванымі.
Для гэтай пары экспатаў, якія цяпер жывуць у Францыі, цырымонія выдалася надзвычай ажыўленай. «Мы адчуваем сябе знакамітасцямі», — пажартаваў адзін з гасцей у размове з выданнем Diário de Notícias da Madeira.
Некаторыя прыехалі на Мадэйру спецыяльна, каб прысутнічаць на тым, што магло б стаць найбольш гучным вяселлем года, калі б чуткі, распаўсюджаныя брытанскімі таблоідамі, пацвердзіліся.
На мінулым тыдні прэса сцвярджала, што Раналду з нявестай збіраюцца ажаніцца ў маёнтку Кінта да Рэгалейра ў Сінтры ў суботу, 2 жніўня. На гэтым тыдні выданне The Sun напісала, што цырымонія адбудзецца 8 жніўня ў Кафедральным саборы Фуншала а 15‑й гадзіне, а банкет пройдзе ў гатэлі Savoy Palace — пасля таго, як высветлілася, што менавіта ў гэты дзень раскошны гатэль забраніраваў два паверхі пад прыватнае мерапрыемства.
Ціск з боку міжнародных СМІ быў настолькі моцным, што дыяцэзія Фуншала вырашыла апублікаваць фатаграфіі суботняга вяселля Фабіа і Ніколь, каб дапамагчы вызваліць царкоўны двор.
«Пасля вялікай блытаніны на вуліцы з такой колькасцю журналістаў і турыстаў нам урэшце ўдалося зачыніць царкву і правесці цырымонію», — напісала дыяцэзія ў Facebook.
Каментары
- что?
- ну мама так сказала что надо нам с тобой надо как-то пожениться
- что?
- бабушка сказала что надо нам с тобой как-то пожениться
- а. бабушка сказала? ну раз бабушка сказала, то
давай поженимся.. но
вот только я хочу, чтобы свидетельницей на нашей свадьбе был..
Олег