Сталі вядомыя аб’екты ракетных удараў у Данецку ўчора: асноўны і запасны камандныя пункты групіроўкі «Цэнтр» расійскіх войскаў
26 жніўня і ў ноч на 27 жніўня падраздзяленні Сіл абароны Украіны нанеслі ўдары па шэрагу важных аб'ектаў расіян. У раёне Данецка ракетамі атакаваны асноўны і запасны камандныя пункты расіян, паведаміў Генштаб УСУ.
Вынікі ўдараў у Данецку ўдакладняюцца, але, мяркуючы па фотах і відэа, знятых жыхарамі акупаванага горада, аб’екты знішчаныя дашчэнту. Пакуль не вядома, хто знаходзіўся ў іх у момант удараў.
Інфармаваныя ўкраінскія каналы пішуць, што ў аб'ектах маглі месціцца асноўны і запасны камандныя пункты групіроўкі «Цэнтр» расійскіх войскаў.
Таксама, згодна з паведамленнем Генштаба УСУ, у раёне Чангарa Херсонскай вобласці былі паражоныя рамонтна-аднаўленчае падраздзяленне расіян і пункт кіравання беспілотнымі лятальнымі апаратамі ў Аленаўцы на часова акупаванай тэрыторыі Крыма.
Акрамя таго, гаворыцца ў паведамленні Генштаба, былі паражоныя раёны з расійскімі вайскоўцамі каля Новапятроўкі Запарожскай вобласці і Усходу на часова акупаванай тэрыторыі Аўтаномнай Рэспублікі Крым.
Таксама Генштаб УСУ паведамляе, што паводле вынікаў аналізу ўстаноўлена, што ў выніку ўдару па Афіпскім нафтаперапрацоўчым заводзе ў Краснадарскім краі Расіі 25 жніўня 2026 года пацверджана пашкоджанне тэхналагічнай устаноўкі ЭЛОУ-АТ, устаноўкі газафракцыянавання і ўчастка трубаправода.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы49
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары