У аграгарадку Новы Двор Мінскага раёна 25 жніўня абвалілася частка агароджы на мосце цераз раку Свіслач. Канструкцыя размяшчалася на пешаходнай частцы і ўпала ў ваду. На шчасце, у момант абвалу побач нікога не было, піша pristalica.by.
Мясцовыя жыхары занепакоеныя станам моста. Яны баяцца, што пасля падзення агароджы могуць пачацца і больш сур'ёзныя разбурэнні. Паводле іх слоў, пашкоджанні ўзніклі на баку, якім пешаходы карыстаюцца радзей, аднак і супрацьлеглая частка моста знаходзіцца ў дрэнным стане.
Асаблівую заклапочанасць выклікае набліжэнне навучальнага года. Па гэтым мосце дзецям даводзіцца дабірацца да прыпынку грамадскага транспарту, бо іншага шляху праз раку няма.
У «Мінскаблдарбудзе» патлумачылі, што стан моста пагоршыўся ў тым ліку праз інтэнсіўны рух грузавога транспарту з прамысловай зоны Мінска.
Рамонт моста ўжо прадугледжаны планам бягучага рамонту мастоў Мінскай вобласці на чацвёрты квартал 2026 года. Праектную дакументацыю цяпер рыхтуюць спецыялісты «Аблдарпраекта». Пачаць рамонт плануюць 7 верасня.
Работы будуць праводзіцца ў два этапы. Па чарзе будуць закрываць правую і левую часткі моста, каб забяспечыць магчымасць руху пешаходаў. Для рэгулявання транспартнага руху паставяць святлафор, які будзе працаваць у рэверсіўным рэжыме.
Пакуль пашкоджаная пешаходная частка закрытая. Там усталявалі часовыя агароджы і забараняльныя знакі. Пешаходам дазволена карыстацца другой паловай моста.
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары