У Палац Незалежнасці ў дзень адпачынку Лукашэнкі запрасілі 140 бізнэсменаў. Іх прымаў Турчын
140 прадпрымальнікаў, уладальнікаў і кіраўнікоў кампаній, топ-менеджараў, прадстаўнікоў бізнэс-клубаў, банкаўскага сектара, прамысловасці, гандлю, ІТ, будаўніцтва і іншых сфер 26 жніўня запрасілі прыехаць у Палац Незалежнасці. Прытым гэта была серада — дзень, у які Лукашэнка ўжо працяглы час традыцыйна не з'яўляецца на людзях. Таму ролю гаспадара палаца выконваў прэм'ер-міністр Аляксандр Турчын.
Спачатку ўдзельнікам сустрэчы правялі экскурсію па палацы, а пасля перад імі выступіў Аляксандр Турчын.
Сярод удзельнікаў сустрэчы заўважылі кіраўніка «Белцяжмаша» Ігара Анішчанку, кіраўніка і мінарытарнага ўладальніка «Марозпрадукту» Івана Дабудзьку, дырэктара «Пнеўматэхцэнтра» Аляксандра Матвейчава, кіраўніка фермерскай гаспадаркі «Жураўліны крык» Дзмітрыя Калістратава і іншых.
Падчас размовы Аляксандр Турчын заявіў, што ўрад мае намер падтрымліваць беларускіх вытворцаў, але не плануе проста абмяжоўваць імпарт. Пры гэтым барацьба з няякаснай імпартнай прадукцыяй, паводле яго слоў, будзе ўзмацняцца.
Прэм’ер падкрэсліў, што на беларускім рынку павінна быць сумленная канкурэнцыя, а спажыўцоў неабходна абараняць ад няякасных тавараў.
Бізнэсмены таксама абмеркавалі развіццё фермерскіх гаспадарак і турызму, фінансаванне інавацыйных праектаў, лічбавізацыю і выкарыстанне штучнага інтэлекту ў вытворчасці.
Асобна закранулі пытанне рэгулявання цэн. Турчын заклікаў бізнэс адказна падыходзіць да іх фармавання і не ставіць празмерную прыбытковасць вышэй за інтарэсы спажыўцоў. Ён папярэдзіў, што ўлады не хацелі б зноў уводзіць у пералік рэгуляваных тавараў тыя пазіцыі, якія раней з яго выключылі. Для гэтага, паводле яго слоў, бізнэс павінен самастойна прытрымлівацца разумнай цэнавай палітыкі.
Чалы ўжо не бачыць Крутога пераемнікам Лукашэнкі. А каго называе?
Карціна Шагала «Прагулка» застанецца ў Беларусі да кастрычніка: Турчын дамовіўся з Мішусціным аб працягу выставы
Канапацкая назвала Пуціна, Зяленскага і Пашыняна злоснымі — «бо недамеркі»
Лукашэнка заявіў пра намер сустрэцца ў найбліжэйшы час з Пуціным
Беларусы з дыпламатычнымі пашпартамі фігуруюць у гучнай крымінальнай справе ў Турцыі
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары
Скоро каждого раздоят на деньги.