Прэзідэнт ЗША Дональд Трамп заявіў, што з паездкі дырэктара ЦРУ Джона Рэткліфа ў Маскву, магчыма, атрымаецца нешта карыснае. Пра гэта амерыканскі лідар сказаў падчас размовы з журналістамі.
Трампа спыталі, навошта Рэткліф адправіўся ў Расію. Пра яго візіт стала вядома 25 жніўня.
Амерыканскі прэзідэнт назваў паездку амаль руціннай і заявіў, што не хоча расчароўваць людзей, якія чакаюць ад яе пэўных вынікаў. Паводле яго слоў, адміністрацыя ЗША вельмі актыўна працуе над спыненнем вайны ва Украіне.
«Мы хацелі б, каб вайна ва Украіне скончылася», — падкрэсліў Трамп.
Пра паездку Рэткліфа першай паведаміла амерыканская тэлекампанія CBS. Інфармацыя з'явілася пасля таго, як у маскоўскім аэрапорце Унукава заўважылі вайскова-транспартны самалёт ВПС ЗША Boeing C-17A Globemaster III і калону амерыканскіх дыпламатаў.
Паводле звестак The Wall Street Journal, Рэткліф прыбыў у Маскву на фоне таго, што амерыканскі бок атрымаў разведвальную інфармацыю пра раннія падрыхтоўчыя мерапрыемствы Расіі да магчымай ваеннай мабілізацыі.
Таксама паведамлялася, што Вашынгтон папрасіў Украіну на пэўны час устрымацца ад удараў па Маскве і Санкт-Пецярбургу, пакуль працягваецца візіт кіраўніка ЦРУ.
У Крамлі заявілі, што паездка Рэткліфа звязаная з кантактамі паміж расійскімі і амерыканскімі спецслужбамі.
Пяскоў назваў мэту візіту дырэктара ЦРУ ў Маскву
ЗША папрасілі Украіну не біць па Расіі, пакуль там дырэктар ЦРУ. Яго самалёт ужо вылецеў з Масквы
У Маскву з няяснымі мэтамі прылятаў дырэктар ЦРУ
Кіраўнік ЦРУ: Сярэдняя працягласць жыцця расійскага навабранца пасля прыбыцця на поле бою — 20‑30 хвілін
Былы беларускі палітвязень стаў суаўтарам вялікага даследавання ў Стэнфардзе
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя12
Каментары
Аўтар, напэўна, не памятае, што пасьля таго візіту, Трампа не пераабралі на другі тэрмін, што і развязала рукі пуціну...