Ukrainski padletak, jaki ličyŭsia źnikłym bieź viestak, akazaŭsia ŭ šerahach rasijskaj armii i vajuje suprać Ukrainy
Pravaabaroncy nazyvajuć heta pieršym paćvierdžanym vypadkam takoha kštałtu.
19‑hadovaha Alaksandra Muściace ź vioski Krynki Chiersonskaj vobłaści, jakoha Ukraina ličyła vykradzienym i bieź viestak źnikłym, zaŭvažyli ŭ šerahach Uzbrojenych sił RF. Jaho historyju raskazaŭ prajekt Back to Ukraine, jaki zajmajecca pošukam ukrainskich dziaciej, departavanych abo vyviezienych Rasijaj, piša Astra.
Muściace źnik u 2022 hodzie, niezadoŭha da svajho 15-hodździa, kali rasijskija vojski zaniali Krynki. Jaho ŭnieśli ŭ dziaržaŭny rejestr «Dzieci vajny», jaki adsočvaje los źnikłych niepaŭnaletnich. Jaho staronka ŭ sacyjalnych sietkach nie abnaŭlałasia z 16 listapada 2025 hoda — aktyvisty Back to Ukraine surjozna aścierahalisia, što jon moh zahinuć.
Niadaŭna aktyvisty znajšli jaho staronku ŭ VK: tam Muściace publikuje fatahrafii ŭ formie rasijskaj armii ź simvolikaj «Z» i rasijskim trykałoram, zdymki z pazicyj, a na adnym z paźniejšych fota — ź bintam, vierahodna, paśla ranieńnia. «My ŭstanavili: Alaksandr nie źnik. Jon vajuje. Na baku Rasii. Suprać Ukrainy», — havorycca ŭ paviedamleńni Back to Ukraine.
Aktyvisty napisali jamu niepasredna, kab daviedacca pra matyvy. Muściace adkazaŭ tolki dvuma frazami: «Tak ja ž za svoj bok zaŭsiody. Rasija zaŭsiody ŭ maim sercy była» — i na dalejšyja pytańni adkazvać nie staŭ.
«Na naš pohlad, navat hetyja dva skazy — nie prosta asabistaja pazicyja. Heta vynik hłabalnaj rasijskaj stratehii infarmacyjnaha i adukacyjnaha ŭździejańnia na ŭkrainskich dziaciej», — ličać u Back to Ukraine.
Pavodle słoŭ kiraŭnika arhanizacyi Save Ukraine i ŭpaŭnavažanaha prezidenta Ukrainy pa pravach dziciaci Mikałaja Kuleby, heta pieršy viadomy vypadak, kali ŭkrainskaje dzicia, jakoje ličyłasia vykradzienym, paśla dasiahnieńnia paŭnalećcia ŭstupiła ŭ vojski, jakija vajujuć suprać Ukrainy.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary