Zdali butelki i słoiki, kupili samahon, a paśla pasvarylisia.
U červieni 2024 hoda biazdomny biełarus Alaksandr Hacicki (naradziŭsia ŭ Minsku, ale byŭ zarehistravany ŭ Niaśvižskim rajonie) zabiŭ svajho sabutelnika.
Hacicki i rasijanin Alaksandr Kraśnikaŭ žyli ŭ sutareńni adnaho z damoŭ Padolska, horada ŭ Padmaskoŭi. Niejak jany zdali butelki, a na vyručanyja hrošy kupili samahon. Kali vypili, pasvarylisia. Spačatku abražali adzin adnaho, paśla dajšło da bojki.
Hacicki ŭziaŭ butelku i ŭdaryŭ joj pa hałavie Kraśnikava. Butelka nie raźbiłasia, jon vykinuŭ jaje ŭ kusty. Paśla hetaha ŭdaryŭ Kraśnikava ŭ voka, ad čaho toj upaŭ. Lažačamu na śpinie pryjacielu nanios nahami niekalki ŭdaraŭ u hrudzi i tułava. Toj bolš nie ŭstavaŭ.
Zatym biełarus zasnuŭ. Kali pračnuŭsia, Kraśnikaŭ praciahvaŭ lažać na tym ža miescy. Hacicki adpraviŭsia na śmietnicu pašukać ježy, paśla pajšoŭ pa spravach i tolki paźniej ad znajomych daviedaŭsia, što Kraśnikaŭ pamior.
U sudzie Hacicki svaju vinu nie pryznaŭ, jon śćviardžaŭ, što ŭ momant złačynstva spaŭ u sutareńni, a pryznalnyja pakazańni na śledstvie daŭ pad ciskam.
Daviałosia słuchać śviedak — takich ža biazdomnych. Jany kazali, što šukali butelki i bačyli, jak pjanyja Hacicki i Kraśnikaŭ lažać pobač. Kraśnikaŭ mocna chrop, a ź jaho hałavy ciakła kroŭ.
Prysud Hacickamu — 7 hadoŭ strohaha režymu. Ź jaho źbirajucca spahnać prykładna $8000, praŭda, uziać ich niama adkul.
Ciapier čytajuć
Vyjšaŭ na svabodu vybitny chirurh Andrej Lubiecki2
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA66
Kamientary
Heta sproba NN paŭsiul šukać supraćstajańnie bieł i ras, ale ž sapraŭdy ŭsio značna praściej, adzin bomž zabiŭ inšaha bamža.