Pradstaŭnik MZS Rasii taksama adznačyŭ «supiarečlivyja» dziejańni ZŠA va Ukrainie «nie stasujucca ź imknieńniem da miru».
Rasii nie padychodzić varyjant zamarožvańnia kanfliktu va Ukrainie, zajaviŭ u intervju TASS namieśnik kiraŭnika MZS Rasii Michaił Hałuzin.
«Jak nieadnarazova kazaŭ prezident Rasii Uładzimir Pucin, bieź likvidacyi pieršapryčyn hetaha kryzisu nijakaje «zamarožvańnie» niemahčymaje. Vidavočna, što [prezident Ukrainy Uładzimir] Zialenski straciŭ usialakuju suviaź z realnaściu i sprabuje eskałavać kanflikt, vyklikajučy niezadavolenaść i ŭ tych krainach, jakija Kijeŭ ličyć partniorami», — skazaŭ jon.
Hałuzin zhadaŭ ukrainskija ŭdary pa enierhietyčnaj infrastruktury, u tym liku pa abjektach Kaśpijskaha trubapravodnaha kansorcyuma (KTK), jaki, pavodle jaho słoŭ, «pracuje pierš za ŭsio ŭ intaresach kazachstanskaj ekanomiki». Dypłamat nazvaŭ hetyja ataki «terarystyčnymi».
Jon taksama adznačyŭ, što «supiarečlivyja» dziejańni ZŠA va Ukrainie «nie stasujucca ź imknieńniem da miru», zhadaŭšy niadaŭnija vykazvańni dziaržsakratara Marka Rubia pra toje, što «Vašynhton nie razhladaje siabie ŭ jakaści «niejtralnaha pasiarednika».
Maskva, pavodle słoŭ Hałuzina, sa svajho boku hatovaja da realizacyi svaich metaŭ «z ulikam ankorydžskich damoŭlenaściaŭ» i pierakananaja, što «ŭrehulavać situacyju vakoł Ukrainy dypłamatyčnymi mietadami mahčyma pry najaŭnaści adpaviednaj palityčnaj voli».
-
Ad ukrainskaj śpiavački Voli Palakovaj patrabavali vybačycca za videa z «charošym ruskim». Jaje admova vyklikała skandał
-
ZŠA zabiaśpiečać mihracyjnuju słužbu ICE palčatkami z elektrašokam
-
Były vice-prezident Hazprambanka Vałabujeŭ — pra słužbu va USU, suviaź z padpollem «Čornaja iskra» i admovu ad siamji ŭ Rasii
Kamientary
Raz postavili zadaču, - uničtožiť Ukrainu, to i budut uničtožať do poślednieho russkoho Rośsii