Praz 20 hadoŭ tralejbusy viernucca jašče na adzin učastak minskaha praśpiekta Niezaležnaści
U Minsku mianiajucca maršruty niekatorych tralejbusaŭ, paviedamiła ŭstanova «Staličny transpart». I heta ŭ peŭnaj stupieni simvalizuje viartańnie raniejšaj epochi, zaŭvažyła vydańnie Blizko.by.
Z 17 žniŭnia skaračajecca trasa tralejbusnaha maršrutu №30 «Sierabranka — Vakzał». Ciapier jon chodzić voś tak.
Jak adznačajecca, maršrut skarociać «u suviazi ź niaznačnym uzroŭniem pasažyrapatoku i dublavańniem inšymi maršrutami pasažyrskaha transpartu». I ciapier z boku mikrarajona Sierabranka tralejbus pojdzie tolki da prypynku «Fabryka Kamunarka». Maršrutu prysvojać novuju nazvu №30 «Sierabranka — Fabryka Kamunarka».
Taksama z 17 žniŭnia tralejbusy №№61 i 68 «Dyśpietčarskaja stancyja Uručča-2 — Akademičnaja» (u ich adna nazva na dvaich, ale jeździać jany roznymi darohami) buduć krychu inšym šlacham iści na kančatkovuju stancyju. Ciapier jany chodziać voś takimi maršrutami.
A z 17 žniŭnia tralejbusy ad vulicy Knoryna pojduć pa vulicy Tałbuchina, praśpiekcie Niezaležnaści, vulicy Surhanava ŭ pramym napramku; a ŭ advarotnym — pa vulicach Surhanava, Kuźmy Čornaha, Tałbuchina i dalej pa maršrucie. Adpaviedna, abodvum maršrutam prysvojvajecca novaja nazva «Dyśpietčarskaja stancyja Uručča-2 — Stancyja mietro Akademija Navuk».
Voś pa takoj schiemie ciapier buduć chadzić tralejbusy.
Takim čynam, tralejbusy viernucca jašče na adzin adcinak praśpiekta Niezaležnaści. U 2002 hodzie tralejbusnyja pravady źniali na ŭčastku ad płoščy Niezaležnaści da płoščy Jakuba Kołasa, a ŭ 2006‑m źniali i na nastupnym učastku — da vulicy Filimonava. Pry hetym tralejbusnyja maršruty №№1, 2, jakija išli pa ŭsim praśpiekcie Niezaležnaści, nakiravali pa inšych vulicach.
Ale praz šmat hadoŭ tralejbusy pačali viartać na praśpiekt. Tak, u mai 2021 hoda zamiest časovaha aŭtobusa №921 staŭ kursavać tralejbus №1 ź Zialonaha Łuha: pa praśpiekcie Niezaležnaści jon jedzie ad vulicy Kalinoŭskaha da stancyi mietro «Maskoŭskaja». A z červienia 2022 hoda padoŭžyli tralejbus №22 ad vulicy Viery Charužaj až da Łošycy, tak što ciapier «rahatyja» iduć pa ŭčastku ad płoščy Jakuba Kołasa da płoščy Niezaležnaści.
Paśla źmianieńnia maršrutaŭ №№61 i 68 tralejbusy znoŭ buduć chadzić pa bolšaj častcy praśpiekta Niezaležnaści pačynajučy ad płoščy Niezaležnaści i da vulicy Rusijanava va Uruččy. Biez tralejbusnaha ruchu zastanucca tolki dva adcinki: ad płoščy Jakuba Kołasa da vulicy Surhanava (stancyja mietro «Akademija Navuk»); ad vulicy Tałbuchina (stancyja mietro «Park Čaluskincaŭ») da vulicy Vałhahradskaja (stancyja mietro «Maskoŭskaja»).
Praŭda, treba adznačyć, što źniatyja tralejbusnyja pravady na praśpiekt nie viernutyja i rabić hetaha nie źbirajucca. Pa maršrutach №№1, 22, 61 i 68 chodziać i buduć chadzić tralejbusy z pavialičanym aŭtanomnym chodam, jakija mohuć prajechać niekalki kiłamietraŭ biez «roh», tolki na akumulatarach. A voś ad vulicy Filimonava i da Rusijanava nad praśpiektam naciahnutyja tralejbusnyja pravady.
Na karcie tralejbusnyja adcinki praśpiekta Niezaležnaści paznačanyja z ulikam abnaŭleńnia maršrutaŭ 17 žniŭnia:
- sini — pravadoŭ niama, tralejbusy iduć na akumulatarach;
- zialony — tralejbusy jeduć pad pravadami;
- čyrvony — tralejbusnaha ruchu niama.
Ciapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj2
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4242
Kamientary
A raźvie nie prodlať maršrut nado, čtoby uvieličiť passažiropotok? K tomu žie učityvaja, čto die-fakto otriezali vokzał, kotoryj vsiehda hienierirujet potoki.
Možiet, proŝie było srazu zakryť maršrut, a nie kospleiť zielenstroj i snačała kronirovať dieriev́ja (diełaja ich słabymi i bolnymi) - čtoby potom po prutiku v horški každyj hod novyje staviť?