Z BMZ «prynižalna» zvolnili supracoŭnicu, jakaja rabiła danos u 2020 hodzie
Žycharka Žłobina Śviatłana Pietrusiova vykłała videazvarot da Alaksandra Łukašenki, zaŭvažyŭ «Fłahštok». U svaim roliku žančyna śćviardžaje, što jana adpracavała 34 hady na Biełaruskim mietałurhičnym zavodzie, a ciapier jaje zvolnili. Jak jana ličyć — niezakonna i niespraviadliva.
Pietrusiova padkreśliła, što ŭ Hod biełaruskaj žančyny jana «atrymała takoje prynižalnaje zvalnieńnie», i raskazała, što jana šmatdzietnaja maci, ale navat nie brała dekretny adpačynak, sumlenna pracavała, nie mieła nijakich spahnańniaŭ. Jak jana zajaviła, pry zvalnieńni joj nie dali vychadnoj dapamohi, a zajavu jana padpisała «pad upłyvam šantažu i pahroz».
Pry hetym jana zhadała pra niejkuju «pravierku pa peŭnych abstavinach» u adnosinach da načalnika adździeła, u jakim pracavała Pietrusiova. Tamu jana pajechała da jaho navat u adpačynku. Ale tam «šlacham šantažu i pahroz kryminalnymi artykułami načalnik upraŭleńnia [ekanamičnaj biaśpieki] vymusiŭ mianie napisać zajavu na zvalnieńnie pa pahadnieńni bakoŭ».
Svajo zvalnieńnie jana abskardziła, pisała zvaroty ŭ roznyja instancyi, u tym liku ŭ Administracyju Łukašenki, ale atrymlivała tolki adpiski.
Taksama jana zajaviła, što jaje zvalniaŭ były supracoŭnik milicyi (ciapier — načalnik upraŭleńnia zavoda), i paprasiła Łukašenku «pryniać miery».
Pra Śviatłanu Pietrusiovu jość niekalki zhadak u sietcy. U 2024 hodzie jana skardziłasia Natalli Kačanavaj na padtapleńnie svajho ŭčastka, ad čaho jana pakutavała šmat hadoŭ, a miascovyja ŭłady nie vyrašali prablemu.
Zaśviaciłasia Pietrusiova i ŭ 2020 hodzie. Jana zhadvajecca jak danosčyca (proźvišča, imia i imia pa baćku całkam supadajuć) u suviazi sa zvankom u milicyju.
Jana paviedamlała, što nasuprać pryvatnaha pradpryjemstva «Aka» pa vulicy Pramysłovaj u Žłobinie na drevach zaŭvažyła niekalki bieła-čyrvona-biełych ściahoŭ.
Ciapier čytajuć
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary