Turystyčny kompleks u Lepielskim rajonie vystaviŭ canu dla biełarusaŭ amal udvaja bolšuju, čym dla rasijan. Biełarusy aburylisia
Na turystyčnym kompleksie i pansijanacie «Vostraŭ ŁADE», raźmieščanym na Lepielskim voziery ŭ Viciebskaj vobłaści, ubačyli dziŭnuju roźnicu ŭ košcie pražyvańnia dla hramadzian Biełarusi i Rasii, piša BG.Media.
Adzin z pastajannych klijentaŭ kompleksu źviarnuŭ uvahu, što pry braniravańni luksa na dźvie nočy dla čatyroch čałaviek biełarusam sajt pakazvaŭ košt 1216 rubloŭ. Dla hramadzian Rasii toj ža varyjant adlustroŭvaŭsia pa canie 18 140 rasijskich rubloŭ, što składała prykładna 650 biełaruskich rubloŭ — amal udvaja tańniej.
Situacyja vyklikała abureńnie ŭ sacyjalnych sietkach. Karystalniki zadavalisia pytańniem, čamu biełaruskija hramadzianie pavinny płacić značna bolš za adpačynak u svajoj ža krainie. Niekatoryja mierkavali, što heta mahła być techničnaja pamyłka, inšyja prapanoŭvali źviarnucca dla pravierki ŭ Minhandlu.
Administracyja «Vostrava ŁADE» patłumačyła situacyju techničnym zbojem u novaj sistemie braniravańnia. Pa słovach pradstaŭnikoŭ kompleksu, hramadzianam Rasii na pieršym etapie sapraŭdy mahła pakazvacca niapravilnaja suma — košt tolki za adnyja sutki zamiest dźviuch. Pry niepasrednym pierachodzie da braniravańnia sistema ŭžo pakazvała pravilnuju canu — 36 140 rasijskich rubloŭ za dźvie nočy.
Administracyja pryniesła prabačeńni i paviedamiła, što raspracoŭščyki zajmajucca vypraŭleńniem pamyłki. Na čas likvidacyi prablemy klijentam prapanavali braniravać adpačynak pa telefonie.
Žurnalisty paśla taho paŭtorna pravieryli ceny na sajcie kompleksu. Paśla rezanansu ŭ internecie infarmacyja źmianiłasia, i pieršapačatkovaja roźnica ŭ košcie dla biełarusaŭ i rasijan źnikła.
Kupili zaniadbany dom, u jaki nie chaciełasia zachodzić, i pieratvaryli ŭ cukierku
«Była ŭ Jehipcie 12 razoŭ, tam nie lepš». Biełarusy raskazali, jak adpačyvajuć u ajčynnych sanatoryjach
Biełaruskija sanatoryi ŭraŭnavali ceny na pasłuhi dla biełarusaŭ i rasijan
Pad Minskam pradajuć zakinuty sanatoryj, jaki tak i nie dabudavali
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary