U Biełarusi znajšli kopiju šviejcarskich Alpaŭ — ale turystaŭ tam nie čakajuć
Paru dzion tamu karystalnica pakazała ŭ Threads nievierahodna malaŭničyja kadry, źniatyja ŭ Biełarusi. Na jaje videarolikach — zialonaje pole, atara aviečak, a na haryzoncie ŭzvyšajucca solevyja hory, piša Tochka.by.
Internet chutka vynies vierdykt: nu, čym nie šviejcarskija Alpy? Videa raźlacielisia pa sacsietkach, a kamientatary adzin za adnym pačali zapytvać kaardynaty hetaj pryhažości.
Kaardynaty nieŭzabavie znajšlisia. Praŭda, razam z tym vypłyŭ niečakany i važny niuans: jechać tudy jak na novuju turystyčnuju słavutaść usio ž nie varta.
Tyja samyja instahramnyja kadry źniatyja kala vioski Pivašy Salihorskaha rajona. Tut znachodzicca pryvatnaja fierma, a efiektnym fonam słužać znakamityja solevyja terykony.
Vidieo: anastasiabelova1 / Threads pic.twitter.com/QiY1kom0AO
U vychadnyja tudy ŭžo kinulisia palaŭničyja za pryhožymi fota i videa. Siarod ich akazałasia i karystalnica Threads Maryja. Paśla pajezdki dziaŭčyna vyrašyła trochi astudzić pył tych, chto choča svaimi vačyma ŭbačyć «biełaruskija Alpy».
«Viedaju, što mnohich skaryli kadry hetaha miesca. Tamu chaču papiaredzić usich, chto pajedzie siudy: pabliki raściahvajuć naviny vielmi chutka dziela achopaŭ, ale heta pryvatnaja ŭłasnaść, vakoł jakoj pole i płot», — napisała jana.
Taksama dziaŭčyna dadała, što pryhožyja fatahrafii i videa — heta nie bolš čym udałaje spałučeńnie rakursu, apracoŭki i šancavańnia.
«Aviečki nie hulajuć pobač z vami, heta žyvioły, jakija žyvuć u svaim rytmie i fotkacca jany z vami nie buduć, tamu, kali pajedziecie siudy śpiecyjalna, vam moža pašancavać, a moža i nie», — sumlenna raskazała Maryja.
A dziaŭčyna, ź jakoj pačałasia ŭsia hetaja «alpijskaja lichamanka», paźniej i ŭvohule vydaliła svoj dopis. Vidać, lišniaja rekłama cichaj maleńkaj fiermie akazałasia zusim ni da čaho.
Jak žyvuć ludzi ŭ najbližejšym da Biełarusi łatvijskim rajcentry i što dumajuć pra zakryćcio miažy
Minsk staŭ samym papularnym zamiežnym horadam dla rasijskich turystaŭ
«Pačynaju razumieć ludziej, jakija žyvuć u turystyčnych haradach i nie lubiać zajezdžych». Što turystyčny bum prynosić Hrodnu
U Minkulcie raskazali, jakija pałacy i siadziby buduć adnaŭlać najbližejšym časam
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta10
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary