Na polska-niamieckaj miažy zatrymali biełarusa z kradzienymi rovarami
Polskija pamiežniki 11 žniŭnia zatrymali 35‑hadovaha biełarusa, jaki ŭjazdžaŭ z Hiermanii ŭ Polšču na furhonie z 24 rovarami. Pravierka pakazała, što jak minimum siem ź ich byli skradzienyja ŭ Hiermanii. Pachodžańnie astatnich rovaraŭ pakul vyśviatlajecca, piša vydańnie Most.
Furhon spynili supracoŭniki Pamiežnaj słužby ŭ horadzie Słubicy padčas časova adnoŭlenaha kantrolu na ŭjeździe ŭ Polšču. U hruzavym adsieku znachodzilisia rovary roznych marak, što vyklikała padazreńni ŭ pamiežnikaŭ.
Paśla pravierki niamiecki bok paćvierdziŭ, što siem rovaraŭ raniej byli zajaŭlenyja jak skradzienyja ŭ Hiermanii. Pa astatnich 17 rovarach pravodzicca dadatkovaja pravierka.
Ahulny košt kanfiskavanych rovaraŭ acanili prykładna na 60 tysiač złotych (kala 16,3 tysiač dalaraŭ).
Biełarusa zatrymali. Jamu mohuć vystavić abvinavačańnie ŭ ździajśnieńni dziejańniaŭ z majomaściu, atrymanaj złačynnym šlacham.
Akramia taho, polskija ŭłady pačali administracyjnuju praceduru pa spravie ab jaho abaviazkovym viartańni ŭ krainu pachodžańnia. Heta moža pryvieści da departacyi biełarusa z Polščy.
Zatrymanaha pieradali palicyi ŭ Słubicach, jakaja praciahnie rasśledavańnie i vyśviatleńnie abstavin pachodžańnia rovaraŭ.
U Varšavie abrabavali i sprabavali skraści biełarusa, kali jon kłaŭ hrošy na rachunak
Mercedes, jaki šukali ŭ Polščy, chacieli vyvieźci ŭ Biełaruś
«Dumali, bandyty, akazałasia — palicyja». Udzielniki pierastrełki ŭ Polščy raskazali svaju viersiju, ale pytańniaŭ mienš nie stała
Biełaruski fatohraf u Polščy šukaje skradzieny Lexus
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj22
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary