Šrajbman: Ad adnych čuju, što Minsk staŭ pustym i ŭsie čakajuć viartańnia ludziej. A inšaja pazicyja: usio narmalna, źjechali — na zdaroŭje
«Ja chacieŭ by, kab maje žyćciovyja abstaviny składvalisia tak, kab ja moh viarnucca ŭ Biełaruś».
Analityk Arciom Šrajbman u prahramie «Hadzińničak cikaje» razvažaŭ, što ludzi ŭnutry krainy pa-roznamu hladziać na mahčymaje viartańnie paśla pieramien tych, chto źjechaŭ paśla 2020.
«Kali kazać pra ludziej unutry Biełarusi, ja baču dva vidavočnyja łahiery. Ja čuju vielmi šmat ad ludziej, što Minsk staŭ pustym i ŭsie čakajuć prynamsi jakoha-niebudź viartańnia ludziej, jakija źjechali — i miedykaŭ, i ajcišnikaŭ, i ludziej kreatyŭnych prafiesij. Ale taksama sustrakajecca i inšaja krajniaja pazicyja: usio narmalna, nie zaŭvažna, źjechali — na zdaroŭje».
Pra siabie Šrajbman adkazvaje:
«Ja, jak i raniej, chacieŭ by, kab maje žyćciovyja abstaviny składvalisia tak, kab ja moh viarnucca ŭ Biełaruś. Ja tut nie mahu kazać tolki pra raźvićcio padziej u Biełarusi, tut užo niemahčyma dumać pra heta pytańnie ŭ adryvie ad ułasnaj siamiejnaj situacyi. Kali ŭ mianie na momant pieramienaŭ u Biełaruś dzicionak budzie, naprykład, u šostym kłasie, heta [viartańnie] ciažka sabie ŭjavić. Ale kali jana budzie ŭžo darosłym čałaviekam i budzie budavać svajo žyćcio sama, to tut možna budzie razvažać.
My dakładna — my heta abmiarkoŭvali z žonkaj — chacieli b pryjechać na piensiju ŭ Biełaruś, na chutaročak».
Arciom padkreśliŭ, što bližej da kanca žyćcia chacieŭ by bolšuju častku času pravodzić u Biełarusi. A pakul pracuje, kali zdaracca pieramieny, jon by žyŭ na dźvie krainy.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary