Беларусы палююць на бірулькі з валошкамі — шукаюць па запраўках, але амаль паўсюль іх ужо разабралі
У сеціве шалеюць ад бірулек з валошкамі і згушчонкай. Беларусы перавозяць тыя бірулькі з аднаго горада ў іншы, а замежнікі гатовыя замаўляць іх за тысячы кіламетраў.
Бірулькі, пра якія ідзе гаворка, робіць брэсцкі брэнд мерча Vikowest. Акрамя валошак і згушчонкі, у лінейцы ёсць бірулькі з дранікамі, зубрам і буслом, але менавіта валошкавыя сталі шалёна папулярнымі.
Гэтаму трэнду ўсяго некалькі дзён. Выглядае, што пачаўся ён падчас «Славянскага базара», калі турысты набывалі бірулькі як сувеніры і выкладвалі іх фота ў сеціва. Трэнду паспрыяў і пост блогеркі govorko_taty, якая зрабіла падборку сувеніраў з Беларусі і паставіла першым фота выяву тых самых бірулек. Цяпер пад яе пастом амаль 300 каментароў.
Бірулькі знайсці ўжо так складана, што на іх проста палююць. Шчаслівыя ўладальнікі посцяць фота здабычы і расказваюць, дзе яе знайшлі:
«У захапленні ад гэтых бірулек. Віцебск, Ратуша».
«Муж знайшоў у «Першым гандлёвым», у рагачоўскай краме (2 паверх)».
«Калі ў Мінску не знайшла са згушчонкай, але мама набыла гэтыя бірулькі ў Віцебскай вобласці».
Тыя, хто не такі жвавы, застаюцца без бірулек. Беларуска піша ў Threads, як вырашыла спытаць пра бірулькі на запраўцы — некаторыя шчасліўцы набывалі іх на АЗС «Беларуснафты»:
«Заходжу сёння на запраўку і пытаюся, дзе ў іх сувенірная прадукцыя, нават не паспела сказаць слова «бірулька». І мне адразу адказваюць: «Дзяўчына, бірулек з валошкамі няма, іх ужо разабралі».
Ёсць, аднак, і скаргі. Некаторыя карыстальнікі, якія набылі бірулькі яшчэ да ажыятажу, расказваюць, нібыта з іх вельмі хутка аблятае фарба. Таму ўладальніцы сувеніра дзеляцца сакрэтам — каб бірулька даўжэй была прыгожая, трэба яе пакрыць лакам.
Дзякуючы Threads пра сувенір даведаліся і за межамі Беларусі. Ёсць каментары, дзе карыстальнікі пытаюцца пра дастаўку бірулек у Расію, Казахстан і нават Стамбул, а таксама цікавяцца, ці ёсць яны на маркетплэйсах.
Падобныя бірулькі знайшліся на Wildberries, вось толькі яны моцна адрозніваюцца ад арыгінала. На бірульцы з Wildberries няма прыгожай валошкі, а банка са згушчонкай заўважна большая, чым на брэсцкім сувеніры.
«Наша Нiва» — бастыён беларушчыны
ПАДТРЫМАЦЬ
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца10
Каментары
Звярніце увагу сталея " падлеткі" раней зараз каб паказаць звярнуць увагу нейкім чынам сябе пазначаюць..рознымі бірулькі Гэта асэнсавана
Гэта як і падчас " 2020" = Я Асоба Я Беларус Я ні " оні"
Чаму зараз такі шалёны поспех
Ні прадаецца хата Матчына Мова
На Беларусі Бог жыве .
Гэта таксама ..Я Мы Беларусь
Німа на што абаперціся абіраецца натуральнае свае тое што у падсвядомасці і адразу адчуваеш глебу моц спакой
Як і зварот спеў Магутны Божа
Я Беларусь Мы Беларусы да цябе звяртаемся " ні эліны ні іюдзеі"
Беларусь Беларусы...Гэта Мы
А Вы якім чынам да Беларусі з якой " мясцовасці"??? )))