Dyrektara minskaha taksaparka zatrymali za raspaŭsiud narkotykaŭ
Supracoŭniki padraździaleńnia pa narkakantroli Zavodskaha RUUS Minska zatrymali 33‑hadovaha dyrektara adnaho sa staličnych taksaparkaŭ, jakoha padazrajuć u niezakonnym abaračeńni narkotykaŭ.
Pavodle infarmacyi siłavikoŭ, kala miesiaca tamu mužčyna znajšoŭ u internecie niezakonnuju padpracoŭku. Jon pahadziŭsia pracavać narkakurjeram, raźličvajučy chutka atrymać dadatkovy dachod.
Pa viersii śledstva, zatrymany zabiraŭ z tajnikoŭ bujnyja partyi zabaronienych rečyvaŭ, paśla čaho fasavaŭ i raźmiaščaŭ ich u novych schovankach na terytoryi Minskaha rajona i horada Viciebska.
Padčas zatrymańnia, a taksama pry praviercy tajnikoŭ, supracoŭniki milicyi znajšli i kanfiskavali kala 300 hramaŭ asabliva niebiaśpiečnaha psichatropnaha rečyva miefiedronu, a taksama pa 30 hramaŭ sintetyčnaha hašyšu i MDMA.
Pavodle źviestak siłavych struktur, mužčyna nie tolki zajmaŭsia raspaŭsiudžvańniem narkotykaŭ, ale i sam ich užyvaŭ.
U dačynieńni da zatrymanaha zaviali kryminalnuju spravu pa fakcie niezakonnaha abaračeńnia narkatyčnych srodkaŭ i psichatropnych rečyvaŭ. Kali jaho vina budzie dakazanaja, jamu moža pahražać pakarańnie ŭ vyhladzie pazbaŭleńnia voli na termin da 15 hadoŭ.
Kamientary