Čatyry scenary tranzitu ŭłady ŭ Biełarusi: ekśpierty acanili imaviernaść kožnaha ź ich
Scenaru «paktavaj demakratyzacyi» dajuć mienš za 3%.
Centr novych idej pradstaviŭ vyniki novaha daśledavańnia, dzie praanalizavany imaviernyja scenaryi, tryhiery i klučavyja hulcy budučaj źmieny ŭłady ŭ Biełarusi.
Dla daśledavańnia apytali 29 ekśpiertaŭ.
Tranzit da 2030 hoda ličać imaviernym 15% ź ich, da 2035 — 60%, 2040 — 90%.
Na dumku ekśpiertaŭ, najbolš vierahodny start adbudziecca praz kiravanuju pieradaču ŭłady źvierchu (72%).
U daśledavańni zafiksavana, što:
- hałoŭnym tryhieram tranzitu źjaŭlajecca stan zdaroŭja Alaksandra Łukašenki (79%), a taksama niestabilnaść u Rasii (38%);
- realnuju ŭładu na pieršym etapie, najchutčej, atrymajuć aktary z unutrysistemnaha asiarodździa — dziejnyja čynoŭniki (48%), siamja Łukašenki (21%) abo siłaviki (17%);
- biełaruskaje hramadstva i elity pakul demanstrujuć pasiŭnaść: 69% ekśpiertaŭ čakajuć, što elity zojmuć čakalnuju pazicyju, a 55% ličać, što hramadstva prymie status-kvo.
Daśledavańnie pakazvaje, što Rasija składzie hałoŭny źniešni faktar i padtrymaje luboha hieapalityčna prymalnaha kandydata (66%). Zachad, u svaju čarhu, maje vysoki zapyt na źmieny, ale pakul nie demanstruje hatoŭnaści aktyŭna kiravać pracesam.
Ekśpierty vyłučajuć čatyry asnoŭnyja scenaryi raźvićcia padziej:
- Aŭtarytarnaja pierajemnaść (32%) — bazavy scenar źmieny pieršaj asoby biez hłybokaj demakratyzacyi.
- Hieapalityčny hibryd (31,6%) — manieŭravańnie častki elit pamiž Maskvoj i Zachadam.
- Akno dla demakratyzacyi (2,4%)— najlepšy, ale małaimavierny scenar, jaki patrabuje asłableńnia RF i hatoŭnaści refarmataraŭ.
- Zamarožvańnie abo strata subjektnaści (34%)— najhoršy scenar z pahłybleńniem rasijskaha kantrolu.
Bolš padrabiaźniej aznajomicca ź interaktyŭnaj madellu možna tut.
Daśledavańnie padrychtavali Anton Radniankoŭ, Ryhor Astapienia i Źmicier Kruk.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali5
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2626
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra26
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary
Pazytyŭny scenar pieršy " idzie" VVPu
Nehataŭny idzie pieršy AHŁ ćfu ćfu
Pieramirje zatuchańnie kałaps kiravańnia na Rf ...taksama na karyść i Šaniec na Źmieny ..
Ŭsie ińšaje palitałahičnyja kalki ..
Jak raniej ni budzie i paviernieńnia taksama
Zakalebali sa svaim hałoŭnym tryhieram. Chartyja ŭžo hadoŭ 20 piša, što "Łukašenka voś-voś pamre".
Pamre hadoŭ praz 20, i ekśpiert napiša "ia že havaryŭ - pamre!"