Katalicki biskup dałučyŭsia da akcyi «Prezidenckaha spartyŭnaha kłuba»
Hienieralny vikaryj Pinskaj dyjacezii biskup Andrej Znoska staŭ udzielnikam marafonu «Prezidenckaha spartyŭnaha kłuba» pad nazvaj «10 tysiač krokaŭ». Pra heta jon sam paviedamiŭ na svajoj staroncy, padziakavaŭšy arhanizataru za inicyjatyvu, piša Katolik.life.
Sutnaść akcyi ŭ tym, kab prajści 1 miljon krokaŭ za 100 dzion marafonu, u siarednim — kala 10 tysiač krokaŭ u dzień. Siarod udzielnikaŭ razyhrajuć pryzy — siertyfikat na padarožža i hrašovyja siertyfikaty.
Paźniej biskup zapisaŭ videa pra svoj udzieł u čelendžy. Paśla festu ŭ viaskovaj parafii na Hrodzienščynie jon išoŭ pieški pa trasie razam ź inšym śviatarom i sieminarystam:
«Pa darozie, dumaju, Ružaniec adhavorym, tamu heta budzie ŭžo nie tolki spartyŭnaja treniroŭka, ale i svajho rodu pilihrymka», — napisaŭ Andrej Znoska, zatehiŭšy «Prezidencki spartyŭny kłub».
«U svaich pastajannych padarožžach zaŭsiody maju z saboj krasoŭki i zručnuju vopratku. Kab zajmacca sportam, nieabaviazkova kuplać darahi abaniemient u zału ci nabyvać sabie składanyja trenažory. Dastatkova ŭstać z kanapy i pajści chadzić piechatoj.
Byŭ čas, što mianie prymušała da prahułak maja siastryčka, Ania, jana doktar i ja liču jaje samym lepšym u śviecie kardyjołaham, a ciapier tak uciahnuŭsia, što adčuvaju dyskamfort, kali niama mahčymaści prajści samaje małoje 10 000 krokaŭ.
Ruch na śviežym pavietry ŭzmacniaje arhanizm, pryvodzić dumki ŭ paradak, łahodzić tryvožnaść. Idučy, dziakuju Bohu za luboje nadvorje, za nieba nad hałavoju, za pryhažość biełaruskaj ziamli», — patłumačyŭ biskup svaju prychilnaść da zdarovaha ładu žyćcia.
«Ludzi bačyli, što raźbirajuć nie dreva, a parachno». Katalicki aktyvist zastupiŭsia za navahrudskich manašak
Kab pieraadoleć stvorany ŭładami kadravy hoład, u pravincyju pieraviali słužyć ksiandza ź Minska
Katalicki sajt: Na Pieršym kanale katalickaja imša zastałasia, źnikła jana z kanała «Kultura»
Na Smarhonščynie adnoviać kaplicu, jakuju źnios pjany kiroŭca
Ciapier čytajuć
«Dahetul zadajusia pytańniem, čym Pratasievič mianie začaravaŭ». Vialikaje intervju Sofji Sapiehi — častka druhaja12
Kamientary