«Ludzi bačyli, što raźbirajuć nie dreva, a parachno». Katalicki aktyvist zastupiŭsia za navahrudskich manašak

1. Z nazaretankami ja źviazany z samaha dziacinstva, źjaŭlajusia ich vychavancam. Tamu ŭ peŭnaj stupieni viedaju ich unutranuju kuchniu.

2. Rašeńnie pra razborku staroha budynka i ŭźviadzieńnie novaha nie adbyłosia ŭ adzin dzień. Heta byŭ internat dla dziaciej, tut pracavała tolki adna siastra z 11‑ci błahasłaŭlonych mučanic, a žyli siostry ŭ damku pobač, jaki zachavaŭsia i ciapier adramantavany.

Biezumoŭna, toj budynak, što byŭ razabrany, usio roŭna maje duchoŭnuju vartaść. Tamu nielha kazać, što siostram lohka dałosia rašeńnie pra jaho znos — heta niapraŭda. Nie adzin hod tryvała dyskusija pamiž biełaruskimi siostrami i kiraŭnictvam u Rymie, pradstaŭnicami inšych pravincyj: što rabić z budynkam.

Pavialičyć

Siostry razumieli, što budynak ciesna źviazany z błahasłaŭlonymi mučanicami, ź ich historyjaj. Rašeńnie naradžałasia ŭ peŭnym kansensusie ŭ pošukach najbolš aptymalnaha varyjantu.

3. Budynak byŭ u vielmi kiepskim techničnym stanie — nie pa vinie manachiń. Varta pamiatać, što budynak u ich byŭ adabrany i bolš za 45 hadoŭ jaho vykarystoŭvała savieckaja ŭłada. Toje, što siostry atrymali ŭ 1990‑m hodzie, užo było ŭ takim stanie, što ramantavać tam štości było ciažka. Ja asabista byvaŭ unutry dziasiatki razoŭ i bačyŭ heta: zhniłaje dreva, ścieny.

Litaralna nie było čaho adnaŭlać, tamu było pryniata hetaje rašeńnie.

4. Čamu ciapier vyrašyli budavać krychu inšy dom? Bo raniejšy byŭ pabudavany sto hadoŭ tamu, kali byli zusim inšyja standarty. Tam nie było indyvidualnych prybiralniaŭ, naprykład. Heta była škoła, i ludzi, jakija pryjazdžali na rekalekcyi i nočyli tam — faktyčna spali ŭ kłasach.

Pavialičyć

Pry pierabudovie doma niemahčyma było b zrabić jaho praktyčnym. A praktyčnaść zastajecca važnaj. Heta nie tolki budynak z historyjaj. Heta budynak, jaki vykonvaŭ i pavinien vykonvać svaju praktyčnuju rolu. Praz hety dom prajšli farmacyju, duchoŭnyja praktykavańni tysiačy, napeŭna, dziasiatki tysiač ludziej. Tamu ciapier budynak budujuć taki, jakim možna było b karystacca ŭ XXI stahodździ — dla ludziej XXI stahodździa, kab jon dalej vykonvaŭ svaju praktyčnuju rolu.

5. Mahu zapeŭnić, što kančatkovaje rašeńnie było pryniata siostrami razam z mnohimi śvieckimi viernikami, jakija karystalisia hetym budynkam. Usie pahadžalisia, što rašeńnie, pryniataje siostrami, — racyjanalnaje. Pry razbory, u jakim udzielničali prafiesijnyja budaŭniki, ludzi bačyli, što raźbirajuć nie dreva, a parachno, i dziakavali Bohu, što budynak nie razvaliŭsia raniej sam pa sabie.

Pavialičyć

Tamu, uličvajučy ŭsie hetyja faktary, možna skazać, što niespraviadliva abvinavačvać pradstaŭnikoŭ Katalickaha kaścioła ŭ niepavazie da historyi.

• 4
• 3
• 0
• 4
• 2
• 0
• 0
• 0