Hrupoŭka pahadziłasia na poŭnaje razzbrajeńnie, zajaviŭ prezident ZŠA.
Rada miru i CHAMAS dasiahnuli «histaryčnaha pahadnieńnia», pavodle jakoha hrupoŭka pahadziłasia na poŭnaje razzbrajeńnie.Pra heta prezident ZŠA napisaŭ u sacyjalnaj sietcy Truth Social.
Zhodna z pahadnieńniem, razzbroicca pavinny taksama ŭsie inšyja ŭzbrojenyja hrupoŭki ŭ Hazie. «Heta manumientalny krok da tryvałaha miru i biaśpieki», — padkreśliŭ jon.
Tramp dadaŭ, što pahadnieńnie dazvolić Hazie kiravacca novym paleścinskim uradam u supracoŭnictvie z Radaj miru, a Izrail atrymaje biaśpieku, «jakuju jon zasłuhoŭvaje», pakolki ankłaŭ bolš nie budzie bazaj dla terarystyčnych napadaŭ.
Prezident ZŠA nazvaŭ ździełku najvažniejšaj viachoj u realizacyi svajho płana z 20 punktaŭ i padkreśliŭ, što pa miery razzbrajeńnia izrailskija vojski buduć adychodzić, a mižnarodnyja siły pa stabilizacyi razam z novaj paleścinskaj palicyjaj buduć zabiaśpiečvać biaśpieku ŭ Hazie.
Tramp taksama padziakavaŭ pasiarednikam — Jehiptu, Kataru i Turcyi — za sadziejničańnie, zajaviŭšy: «Pahroza, jakaja ŭźnikła z boku Hazy 7 kastryčnika, nie zmoža adradzicca».
«Vinšuju ŭsich z hetym nievierahodnym dasiahnieńniem, jakoha, jak usie kazali, nikoli nie ŭdałosia b dasiahnuć!» — zaklučyŭ jon.
Ciapier čytajuć
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ7
Kamientary