Ispanija nie daje rady napłyvu mihrantaŭ u svaim afrykanskim ankłavie
Ispanski ŭrad vyrašyŭ nakiravać vajskoŭcaŭ u svoj paŭnočnaafrykanski ankłaŭ Sieuta, kab uzmacnić biaśpieku na fonie rezkaha pavieličeńnia kolkaści nielehalnych mihrantaŭ, piša EFE.
Uviečary 30 lipienia Ministerstva ŭnutranych spraŭ Ispanii paviedamiła, što ŭ Sieutu nakirujuć 60 vajskoŭcaŭ Uzbrojenych sił i dadatkova 30 supracoŭnikaŭ Cyvilnaj hvardyi. Vajskoŭcy pavinny padtrymać pravaachoŭnikaŭ u harantavańni biaśpieki i paradku ŭ horadzie.
Rašeńnie było pryniata paśla taho, jak za apošni tydzień u Sieutu z Maroka praz mora pierabralisia kala 1500 mihrantaŭ. Miascovyja ŭłady zajavili, što ŭžo nie spraŭlajucca z takim napłyvam ludziej.
Prezident Sieuty Chuan Chiesus Vivas raniej zaklikaŭ urad u Madrydzie abviaścić nadzvyčajnaje stanovišča i ŭziać situacyju ŭ horadzie pad kantrol. Jon papiaredžvaŭ, što miascovyja słužby pierahružanyja praź vialikuju kolkaść novych mihrantaŭ.
Spačatku ispanskaje MUS admoviłasia razhladać mahčymaść uviadzieńnia nadzvyčajnaha stanovišča, zajaviŭšy, što mihracyjnyja patoki nie adnosiacca da ryzyk, jakija dazvalajuć vykarystoŭvać adpaviedny režym hramadzianskaj abarony. Adnak paśla abvastreńnia situacyi ŭłady pryniali rašeńnie ŭzmacnić biaśpieku z dapamohaj vajskoŭcaŭ.
Sieuta — nievialiki ispanski ankłaŭ na ŭźbiarežžy Paŭnočnaj Afryki, jaki miažuje z Maroka. Razam ź Mieliljaj jon maje asablivy status i źjaŭlajecca adnym z asnoŭnych maršrutaŭ, praź jakija mihranty sprabujuć trapić na terytoryju ES.
Mihracyjnaja situacyja ŭskładniłasia paśla niadaŭniaha rašeńnia Viarchoŭnaha suda Ispanii. U lipieni sud pastanaviŭ, što mihrantaŭ, zatrymanych u mory padčas sproby dabracca da Sieuty abo Mielilji, nielha aŭtamatyčna i nieadkładna viartać u ramkach śpiecyjalnaha režymu admovy va ŭjeździe, jaki dziejničaje ŭ hetych ankłavach. Sprava kožnaha mihranta pavinna razhladacca asobna.
Natchnionyja hetym, usio bolš ludziej navažvajucca na niebiaśpiečny maršrut praz mora. Mnohija płyvuć hadzinami, trymajučysia za zvyčajnyja nadzimanyja kruhi. Tolki za apošnija dni zahinuli jak minimum čatyry čałavieki.
Paralelna Jeŭrapiejski parłamient u červieni padtrymaŭ novyja mihracyjnyja praviły, jakija dazvalajuć krainam ES nakiroŭvać u śpiecyjalnyja centry ŭ trecich krainach tych mihrantaŭ, jakim było admoŭlena ŭ nadańni prytułku.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca8
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary
na nieobitajemyj ostrov ich vsiech v ramkach Zakona otviezti [Red. Vydalena]
[Zredahavana]