Ci možna ŭ Biełarusi admovicca ad ID-karty i pierajści na zvyčajny pašpart?
Vydańnie «Smartpres» atrymała ad svajoj čytački pytańnie, ci možna ŭžo atrymanuju ID-kartu paśla abmianiać na zvyčajny papiarovy biełaruski pašpart — i daviedałasia adkaz na jaho.
«Ci praŭda, što kali hramadzianin Biełarusi atrymaŭ ID-kartu, abmianiać jaje nazad na papiarovy pašpart užo niemahčyma? Navat pry stracie i patrebie adnaŭleńnia? Papiarovy pašpart, jak pakazała praktyka, značna zručniejšy: bačnyja prapiska, najaŭnaść sužonca, dziaciej, nie treba afarmlać asobna zamiežny pašpart. Zrabiła dziciaci ID-kartu i ciapier vielmi škaduju…», — napisała čytačka «Smartpresa» Alena.
Akazałasia, što kali hramadzianin Biełarusi ŭžo aformiŭ ID-kartu, to atrymać zamiest jaje zvyčajny pašpart staroha ŭzoru ŭžo nie atrymajecca. Heta tyčycca i vypadkaŭ, kali ID-karta była stračanaja, paškodžanaja abo skončyŭsia termin jaje dziejańnia. Zamiest jaje znoŭ vydaduć ID-kartu.
Jak raniej raskazvali ŭ Departamiencie pa hramadzianstvie i mihracyi MUS, atrymańnie ID-karty — dobraachvotny vybar hramadzianina. Nichto nie abaviazany mianiać dziejny papiarovy pašpart na bijamietryčnyja dakumienty da zakančeńnia terminu jaho dziejańnia. Adnak paśla taho, jak čałaviek vyrašyŭ pierajści na novuju sistemu dakumientaŭ i atrymaŭ ID-kartu, zvarotnaha pierachodu na pašpart-knižku zakanadaŭstvam nie praduhledžana.
Što da pajezdak za miažu, to tut sapraŭdy jość adroźnieńnie ad zvyčajnaha pašparta. Kali raniej adzin dakumient adnačasova śviedčyŭ asobu ŭ Biełarusi i vykarystoŭvaŭsia dla zamiežnych pajezdak, to ciapier hetyja funkcyi padzielenyja.
ID-karta vykarystoŭvajecca jak asnoŭny dakumient unutry krainy. A voś dla vyjezdu za miažu patrebien bijamietryčny pašpart, jaki afarmlajecca asobna. Pry hetym aformić bijamietryčny pašpart možna ŭ luby momant, kali ŭźniknie takaja patreba.
Davierlivaja minčanka skinuła arandataram z Rasii kopiju svajho pašparta. A tyja ciškom pradali jaje kvateru koštam $90 tysiač
Achvotnym pajechać pa biaźvizie ŭ Mjanmu treba być akuratnymi z mabilnymi telefonami
Va Ukrainie rychtujuć zakonaprajekt, jaki dapamoža biełarusam vyrašyć prablemu praterminavanych dakumientaŭ
Andrej Pačobut paprasiŭ premjera Polščy vydavać biełarusam dakumient zamiežnika minimum na try hady
Biełarusy pajechali naradžać u Arhiencinu, kab dzicia nie zastałosia biez pašparta. A potym vyrašyli tam zastacca
Pieršaha namieśnika hiendyrektara «Biełviesta» pasadzili na try z pałovaj hady za palityku6
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary