Staŭ viadomy dakładny adras, pa jakim žyvie Anžalika Mielnikava ŭ Minsku
Joj taksama vydadzieny pašpart prykryćcia.
«Kibierpartyzany» paćvierdzili, što Anžalika Mielnikava žyvie ź dziećmi pa adrasie Piatra Mścisłaŭca, 24.
Mienavita na vulicy Piatra Mścisłaŭca ŭ studzieni 2026 hoda eks-śpikierka KR kupiła i aformiła na siabie jašče adnu kvateru ŽK «Majak Minska» ŭ mikrarajonie Uschod.
Joj vydadzieny pašpart prykryćcia na imia Anhieliny Alaksiejeŭny Radzivonavaj, hod naradžeńnia — 02.02.1990. Mielnikava pieryjadyčna karystajecca hetym dakumientam, kab schavać svaju asobu.
«Kibierpartyzany» zaznačajuć, što Mielnikava sapraŭdy žyvaja i pastajanna pražyvaje ŭ Minsku. Najaŭnaść «pašparta prykryćcia», na dumku «Kibierpartyzan», dazvalaje zrabić vysnovu, što niezaležna ad matyvaŭ svaich dziejańniaŭ jana pajšła na supracoŭnictva z KDB.
Byłaja śpikierka Kaardynacyjnaj rady Anžalika Mielnikava źnikła ŭ sakaviku 2025 hoda.
Apošni raz jaje bačyli na Šry-Łancy, kudy ŭ toj ža čas pryjazdžaŭ Alaksiej Łabiejeŭ — 32‑hadovy mužčyna, ź jakim u Mielnikavaj byli adnosiny i jaki, jak vyśvietlili žurnalisty, pracuje va Upraŭleńni vajskovaj kontrraźviedki KDB.
Paśla jaje źniknieńnia ŭ Polščy zaviali kryminalnuju spravu, ale što adbyłosia z Anžalikaj, dahetul niezrazumieła.
Praz hod u sacsietkach źjavilisia jaje fatahrafii ź minskaj spartzały, a baćka pryznaŭsia «Našaj Nivie», što jana ŭžo «daŭnavata» ŭ Biełarusi. Inšyja bačyli jaje ŭ «Dana Mole». «Lusterka» vyśvietliła, što ŭžo paśla źniknieńnia Mielnikava nabyła dźvie kvatery ŭ Minsku. Z treciaj jaje kvatery byŭ źniaty aryšt i aformleny padzieł majomaści z byłym mužam.
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu2
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary